بۇل تۋرالى ورتالىق كوممۋنيكاتسيالار قىزمەتىنىڭ الاڭىندا وتكەن بريفينگتە نۇر-سۇلتان قالاسى اكىمىنىڭ ورىنباسارى باحتيار ماكەن ايتتى، دەپ حابارلايدى قازاقپارات ءتىلشىسى.
«22-ناۋرىزعا دەيىن نۇر-سۇلتان قالاسىنان شىعىپ ۇلگەرمەگەندەر كارانتين ۋاقىتى اياقتالعانىن كۇتەدى. بۇل – ق ر پرەزيدەنتى جانىنان قۇرىلعان مەملەكەتتىك كوميسسيانىڭ شەشىمى. بۇل تۋرالى حاتتامادا انىق جازىلعان»، - دەيدى نۇر-سۇلتان قالاسى اكىمىنىڭ ورىنباسارى باحتيار ماكەن. سونداي-اق، ول كوروناۆيرۋس بار-جوعىن تەكسەرتىپ العىسى كەلەتىن ادامدار نە ىستەۋى كەرەكتىگىن ايتتى.
«ق ر دەنساۋلىق ساقتاۋ مينيسترلىگى كوروناۆيرۋس جۇقتىرعان-جۇقتىرماعانىن انىقتاعىسى كەلەتىن ادامدار ءۇشىن شاعىن ورتالىق اشقىسى كەلەدى. بۇل وڭاي پروتسەسس ەمەس، سول سەبەپتى بىردەن بولمايدى. بىزدە اۋرۋدىڭ بار- جوعىن انىقتايتىن مەديتسينالىق قۇرىلعىلاردى ساتىپ الۋعا دايىن مەتسەناتتار بار. بۇعان كەشەندى تۇردە كەلۋ كەرەك. ونىڭ مەحانيزمى قالاي بولادى، قاي جەرلەرگە ورنالاستىرىلادى جانە وسىعان قاتىستى باسقا دا سۇراقتار بويىنشا دەنساۋلىق ساقتاۋ مينيسترلىگىمەن بىرگە جۇمىس ىستەپ جاتىرمىز. ازىرگە بۇل سۇراقتىڭ جاۋابى جوق، ءبىراق جاقىن ارادا شەشىلەدى»، - دەيدى ول.