«بيىلعى جىلدىڭ 11 ايىندا ەل ەكونوميكاسىنىڭ دامۋ قارقىنى وتكەن جىلدىڭ وسى ۋاقىتىمەن سالىستىرعاندا 4,4 پايىزعا وسكەن. سونىڭ ناتيجەسىندە حالىقتىڭ تابىسى 5,7 پايىزعا ارتتى. وسى 11 ايدىڭ ىشىندە ەل ەكونوميكاسىن دامىتۋعا 10 تريلليون 8 ميلليارد تەڭگە تارتىلدى. ودان بولەك، ەل كولەمىندە 400 مىڭ جاڭا جۇمىس ورنى اشىلدى. ونىڭ ىشىندە 22 مىڭ جۇمىس ورنى ەلوردادا اشىلدى»، - دەدى بەردىبەك ساپاربايەۆ ەلوردالىقتارمەن كەزدەسۋدە.
ونىڭ ايتۋىنشا، جۇمىسسىزدىق كورسەتكىشىن ازايتۋ - مەملەكەت باسشىسى تاپسىرمالارىنىڭ ءبىرى.
«بيىلعى جىلدىڭ 11 ايىندا قازاقستاندا جۇمىسسىزدىق دەڭگەيى 4,8 پايىز، ال نۇر-سۇلتان قالاسى بويىنشا، 4,5 پايىزدى قۇرايدى. جالپى الەۋمەتتىك ماسەلەلەردى شەشۋگە جىل ساناپ ەرەكشە ءمان بەرىلۋدە. ايتا كەتسەك، بىلتىر بۇل سالاعا مەملەكەتتىڭ بيۋجەتتىڭ 43 پايىزى باعىتتالسا، بيىل ول 45 پايىزعا كوتەرىلدى. ال كەلەسى جىلى بۇل كورسەتكىش 50 پايىزعا ارتادى»، - دەيدى ول.
ايتا كەتسەك، ق ر پرەمەر-ءمينيسترىنىڭ ورىنباسارى بەردىبەك ساپاربايەۆ، ق ر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ، ق ر دەنساۋلىق ساقتاۋ ءمينيسترى ەلجان ءبىرتانوۆ جانە قالا اكىمى التاي كولگىنوۆ ەلوردا تۇرعىندارىمەن كەزدەسۋ وتكىزدى. كەزدەسۋدە ازاماتتار وزدەرىنىڭ سۇراقتارىنا جاۋاپ الدى.