قىتايدا 2016 -جىلدىڭ 1 -قاڭتارىنا دەيىن دەموگرافيالىق شەكتەۋ قويىلىپ كەلدى. سوعان بايلانىستى قىتايلىق ايەل 3 جاسار قىزىمەن پوليتسيالاردان جاسىرىنىپ جۇرگەن. ەكىنشى قىزى ومىرگە كەلگەندە ەرلى زايىپتى بالاسىن جەمىس بازارىندا قالدىرىپ كەتەدى. ولاردىڭ ايىپپۇل تولەيتىن جاعدايى بولماعان.
اتا-اناسى قىزىنا جينجي ەسىمىن جازىپ، بەسىككە سالىپ كەتەدى.
«كەدەيلىك پەن شەكتەۋگە بايلانىستى وسىلاي جاساۋعا ءماجبۇرمىز. بالانى قۇتقارىپ، ونى باققانىڭىزعا راحمەت. قۇدايدىڭ بار ەكەنى راس بولسا، ءبىزدىڭ قىزىمىزبەن شيسيجا بايقاۋى كەزىندە كوپىردە تاڭەرتەڭ كەزدەسۋىمىزدى جازسا ەكەن»، - دەپ جازادى حاتتا.
قىز بالانى ا ق ش- قا وزگە وتباسى اسىراپ الىپ كەتەدى. جاڭا اتا-اناسى قىزدى كەتي دەپ اتايدى. ولار تۋعان اكە-شەشەسى مەن جازىلعان حات جونىندە 21 گە تولعان سوڭ ايتامىز دەپ شەشەدى. وعان دەيىن جىل سايىن ونىڭ تۋعان اتا-اناسى شيان مەن شيۋي كوپىرگە بارىپ كۇتىپ جۇرەدى. ولار قولىنا بالامىزدى جوعالتتىق دەگەن پلاكات جازىپ الادى. شارق ۇرعان انا مەن اكە ءتۇسىرىلىم توبىنىڭ كوزىنە ءتۇسىپ، ەلگە تانىلا باستايدى. الايدا قىزدىڭ اسىراپ العان اتا-اناسى ب ا ق- قا سۇحبات بەرۋدەن باس تارتادى.
كەيىننەن بۇل جايلى دەرەكتى فيلم تۇسىرىلەدى. فيلم ارقىلى بۇل جايتتىن كەتي دە حاباردار بولادى. وسىلايشا ءوزىنىڭ تۋعان اتا-اناسىنىڭ كىم ەكەنىن سۇراستىرىپ بىلەدى. ءوزى دە فيلم كەيىپكەرى رەتىندە تانىلادى. 2017 -جىلدىڭ 7 -شىلدەسىندە شيسيجا مەرەكەسىندە اتا- اناسىمەن كوپىردە كەزدەسەدى. كەتي ءوز اتا-اناسىمەن ءبىراز ۋاقىت بىرگە بولىپ، ۇلكەن اپكەسىمەن، اجەسىمەن تانىسادى.