وتكەن جەكسەنبىدە لۋيزيانا شتاتىنىڭ باتون-رۋج قالاسىندا ءۇش پوليتسەي قاسكويدىڭ قولىنان قازا تاپقان بولاتىن. ولاردى بۇرىنعى تەڭىز جاياۋ اسكەرى، يراكتا اسكەري قىزمەت اتقارعان گەۆين لونگ اتىپ ولتىرگەن ەدى. وسىلايشا ول افروامەريكالىقتارعا قاتىگەزدىك تانىتقانى ءۇشىن ءتارتىپ ساقشىلارىنان كەك الماق بولعان.
10 كۇن بۇرىن وسىنداي وقيعا تەحاس شتاتىنىڭ داللاس قالاسىندا بولعان. ول جولى 5 پوليتسيا قىزمەتكەرى اجال قۇشقان.
وباما ءتارتىپ ساقشىلارىنا جاسالعان شابۋىلدى قاتال سىنعا الدى. سونداي-اق ونى «مەملەكەتتىك قىزمەتكەرلەرگە، سانالى قوعامعا» جاسالعان شابۋىل دەپ اتادى. پرەزيدەنت جۇرتتى قوعامدى جىككە بولمەي، ەل بىرلىگىن ساقتاۋعا شاقىردى.
ەسكە سالا كەتەيىك، شىلدە ايىنىڭ باسىندا پوليتسيا باتون- رۋج قالاسىندا جاس ءوسپىرىمدى اتىپ تاستاعان بولاتىن. بۇدان كەيىن ميننەسوتە شتاتىندا تاعى ءبىر افروامەريكالىق پوليتسەيلەردىڭ قولىنان قازا تاپتى. وسىدان سوڭ قارسىلىق شارالارى باستالىپ، پوليتسەيلەرگە جەكەلەگەن تۇلعالاردىڭ وق اتۋ وقيعاسى جيىلەپ كەتكەن.
لونگ 2005-2010 -جىلدارى ا ق ش ارمياسى قاتارىندا بولعان. 2008 -جىلى وعان سەرجانت اتاعى بەرىلىپ، 2008-2009 -جىلدارى يراكتا قىزمەت اتقارعان.