انگلياداعى ءتىس دارىگەرى 22 مىڭ ادامعا اۋرۋ جۇقتىرعان
14:45, 13 - قاراشا 2014
استانا. قازاقپارات - ۇلى بريتانياداعى ءتىس ەمحانالارىنىڭ بىرىندە جانجال شىقتى.
نوتتينگەم قالاسىنىڭ جەرگىلىكتى ءتىس دارىگەرىندە ەمدەلگەن 23 جاسار ايەل قايتىس بولىپ، پوليتسەيلەر قىلمىستىق ءىس قوزعادى.
ارتىنشا ونى ەمدەگەن دەزموند دي'مەللو گيگيەنالىق سالعىرتتىق تانىتىپ، ناۋقاستارعا قاۋىپتى دەرت جۇقتىرعان دەگەن ايىپپەن قىزمەتتەن شەتتەتىلدى.
ەندى وعان قارالىپ، ۆ جانە س گەپاتيتىنە شالدىعۋى مۇمكىن دەگەن 22 مىڭ ناۋقاس تاياۋ ارادا شۇعىل تۇردە دارىگەرلىك تەكسەرۋدەن وتۋلەرى ءتيىس.
ەڭ سوراقىسى، ولاردىڭ اراسىندا ايىقپاس ۆ ي چ دەرتىن جۇقتىرعاندار دا بولۋى ىقتيمال.
24.kz