پولشادا «حوندا» كولىگى 22 ادامدى قاعىپ كەتكەن
00:01, 22 - شىلدە 2014
استانا. قازاقپارات - جەكسەنبى كۇنى تۇندە پولشانىڭ كۋرورتتىق قالاسى سوپوتتا «Honda Civic» جۇرگىزۋشىسى جاياۋ جۇرگىنشىلەر وتكەلىندە 22 ادامدى قاعىپ كەتتى.
Wiadomosci.pl حابارلاعانداي، قاتتى جىلدامدىقپەن كەلە جاتقان جاپوندىق حەتچبەك كولىگىنىڭ جۇرگىزۋشىسى 32 جاستاعى ەر ادام ءرولدى باسقارا الماي، جاياۋ جۇرگىنشىلەر ايماعىنا شىعىپ كەتكەن. ارتىنشا كولىك اعاش وتكەلگە سوعىلعان.
كەيىننەن پوليتسەيلەر حابارلاعانداي، وقيعا ورىن العان ساتتە «حوندا» جۇرگىزۋشىسى ەسىرتكى قابىلداپ العان بولىپ شىقتى. قايعىلى وقيعا سالدارىنان 22 ادام زارداپ شەكتى، ولاردىڭ كوپشىلىگى اۋىر جاراقاتتار الدى، اياق-قولدارى سىنعاندارى دا بار.
كۋاگەرلەردىڭ ايتۋىنشا، اپاتتان كەيىن جۇرگىزۋشى بوي تاسالاعىسى كەلگەن، الايدا كۋاگەرلەر ونى ۇستاپ قالىپ، پوليتسەيلەرگە تاپسىرعان. وعان ەندى 10 جىلعا دەيىن باس بوستاندىعىنان ايىرۋ جازاسى كەسىلمەك.