ۆەتەرينار بولىپ قىزمەت اتقاراتىن مۇستافا ءال- سۋفي مەن ونىڭ قالىڭدىعى اللا مالات وزدەرىنىڭ نەكە قيىپ، وتباسىلى بولعان قۋانىشتارىن وسىلاي اتاپ ءوتتى. ولار تۋرا وسى كۇنى بوسقىندار لاگەرىنە ازىق- تۇلىكتى وزدەرى جەتكىزىپ بەرىپ، تاراتۋ جۇمىستارىن دا وزدەرى اتقارعان.
لاگەردەگى ءار بۇلدىرشىنگە ءتاتتى تاعامدار، جىلى كيىمدەر مەن كورپەشەلەردەن بولەك، ءسۇت قۇيىلعان 24 بوتەلكە سالىنعان قوراپتار تارتۋ ەتىلدى.
«ازىق- تۇلىك پەن اكەلگەن باسقا دا زاتتارىمىزدى تۇگەلدەي ءوزىمىز تاراتىپ شىقتىق. ويتپەگەن جاعدايدا، كوڭىلىمىزدە ءبىز اپەرگەن زاتتاردىڭ تولىقتاي تاراتىلعانى جايىندا كۇمان قالاتىن ەدى، - دەيدى سۋفي. - لاگەردەگى جاعداي وتە اۋىر. بوسقىنداردىڭ توسەنەتىن دە، جامىلاتىن دا زاتتارى جوقتىڭ قاسى» .
ۇستىمىزدەگى جىلدىڭ ءساۋىر ايىندا وزدەرىن «يسلام مەملەكەتىمىز» دەپ اتانعان سودىرلاردىڭ شابۋىلىنان كەيىن انبار پروۆينتسياسىنداعى مىڭداعان جان وسى لاگەرگە قاشىپ كەلىپ، جان ساۋعالاعان بولاتىن. سودان بەرى ولار بىرنەشە اي بويى ب ۇ ۇ- نىڭ گۋمانيتارلىق كومەگىن كۇتۋمەن كەلەدى. الايدا، ازىرگە كورسەتىلگەن ەش كومەك جوق. ال، سۋفي مەن ونىڭ جۇبايى بوسقىندار لاگەرىنە ەكىنشى مارتە قايىرىمدىلىق شاراسىن ۇيىمداستىراتىنىن ايتادى.