شەتەلدە ءبىلىم الاتىن 224 ادامعا «بولاشاق» ستيپەندياسى بەرىلدى
ول ءوز سوزىندە ەلباسىنىڭ «نۇرلى جول - بولاشاققا باستار جول» اتتى جولداۋىن جۇزەگە اسىرۋ جانە الەمدىڭ دامىعان 30 ەلىنىڭ قاتارىنا كىرۋ ءۇشىن بىلىكتى كادرلاردى دايىنداۋ بارىنشا وزەكتى بولا تۇسەتىندىگىن باسا ايتتى.
«قازاقستاندى اۋقىمدى ينفراقۇرىلىمدىق دامىتۋ، جاڭا وندىرىستەردى قۇرۋ، ءبىزدىڭ ەلىمىزدە وڭىرلەر اراسىنداعى كولىكتىك كوممۋنيكاتسيالاردىڭ بارلىق ءتۇرىن دامىتۋ ارقىلى بيزنەس ىنتىماقتاستىقتى جانداندىرۋ كاسىبي ساپاسى ۇزدىك ءارى ءتيىستى كاسىبي داعدىسى بار جوعارى دەڭگەيلى مەنەدجەرلەر قاجەتتىگىن تۋدىرادى»، - دەدى گ. ءابدىقالىقوۆا.
مەملەكەتتىك حاتشىنىڭ اتاپ وتۋىنشە، جولداۋدىڭ ءاربىر باعىتىن جۇزەگە اسىرۋ دايىندىعى جوعارى، بىلىكتى مامانداردى قاجەت ەتەتىندىگىن اتاپ ءوتتى.
«ءبىلىم العان مامانداردىڭ سانى ەمەس ساپاسى ماڭىزدى. الەمنىڭ ۇزدىك جوعارى وقۋ ورىندارىندا ءبىلىم الىپ، الدىڭعى قاتارى ۇزدىك تاجىريبەنى بويىنا سىڭىرگەن كرەاتيۆتى ويلاي بىلەتىن جاستار، جاڭا فورماتسيا ماماندارى قاجەت»، - دەدى ول.
وتىرىس قورىتىندىسىندا رەسپۋبليكالىق كوميسسيانىڭ شەشىمىمەن 224 ستيپەنديا تاعايىندالدى.
اۆتور: مارلان جيەمباي