مينيسترلىك دۇيسەنبىدە جەرگىلىكتى ۋاقىت بويىنشا تاڭعى ساعات 7:34 تە ەلدىڭ ۇلتتىق جەلىسى ەلەكتر جەلىلەرىنىڭ دۇرىس جۇمىس ىستەمەۋىنە بايلانىستى ىستەن شىققانىن، «ەلەكتر جەلىسىندە كەڭ اۋقىمدى اقاۋ تۋعانىن» حابارلادى.
«جۇيەگە تەحنيكالىق قىزمەت كورسەتۋ جۇمىستارى ءجۇرىپ جاتىر» دەلىنگەن حابارلامادا.
ەل استاناسى يسلامابادتا، وڭتۇستىكتەگى كاراچي پورت قالاسىندا، ەلدىڭ شىعىسىنداعى لاحور قالاسىندا جانە پەشاۆاردىڭ سولتۇستىگىندە جارىق وشكەن.
ەلەكتر قۋاتىنىڭ ۇزىلۋىنەن شامامەن 220 ميلليون ادام جارىقسىز وتىر، دەپ حابارلايدى ANI.
Quetta Electric Supply Company (QESCO) مالىمەتى بويىنشا گۋددۋدان كۆەتتاعا دەيىن ەكى ەلەكتر جەلىسى اجىراعان. كومپانيا بەلۋدجيستاننىڭ 22 اۋدانىندا، سونىڭ ىشىندە كۆەتتادا ەلەكتر قۋاتى بولمايتىنىن ايتقان.
سولتۇستىك پاكىستاننىڭ بالۋچيستان پروۆينتسياسىندا اۋرۋحانالاردا، بازارلاردا جانە ۇيلەردە ەلەكتر قۋاتى ۇزىلگەن.
كەيىنىرەك ەنەرگەتيكا مينيسترلىگى يسلاماباد استاناسى مەن پەشاۆار قالاسىندا «جەلىلەردىڭ شەكتەۋلى سانى» قالپىنا كەلگەنىن حابارلادى.
ەل ەكونوميكاسى كوپتەگەن ماسەلەمەن، سونىڭ ىشىندە اۋىر ەنەرگەتيكالىق داعدارىسپەن كۇرەستى جالعاستىرىپ جاتىر.
پاكىستاننىڭ سۇرانىستى قاناعاتتاندىرۋ ءۇشىن بەلگىلەنگەن قۋاتى جەتكىلىكتى، ءبىراق ءوزىنىڭ مۇناي ەلەكتر ستانسالارىن پايدالانۋعا رەسۋرسى جەتپەيدى، دەپ حابارلادى AlArabiya.
پاكىستان ۇكىمەتى وسى ايدىڭ باسىندا ەنەرگيا ۇنەمدەۋدىڭ جاڭا جوسپارىن جاريالادى.
پرەمەر-مينيستر شەحباز شاريف بارلىق فەدەرالدى ۆەدومستۆولارعا ەنەرگيا تۇتىنۋدى 0 قىسقارتۋدى، ال ونىڭ ۇكىمەتى بۇكىل بازارلاردى 20:30 دا، ال مەيرامحانالاردى 22:00 دە جابۋدى بۇيىردى.