قازاتوم ونەركاسىپ وتكەن جىلى 220 ميلليارد تەڭگە تابىس تاپتى

نۇر- سۇلتان. قازاقپارات - «قازاتوم ونەركاسىپ» ۇلتتىق كومپانياسىنىڭ باسقارما ءتوراعاسى ءماجيت ءشارىپوۆ 2021 -جىلدىڭ نەگىزگى كورسەتكىشتەرىن باياندادى، دەپ حابارلايدى قازاقپارات ءتىلشىسى.

«قازىرگى قۇبىلمالى جاعدايعا قاراماستان 2021 -جىلى قازاتومونەركاسىپ جاقسى ناتيجە كورسەتتى. 2021 -جىلى شوعىرلاندىرىلعان ءتۇسىم 2020 -جىلمەن سالىستىرعاندا % 18- عا ۇلعايىپ، 691 ميلليارد تەڭگەنى قۇرادى. بۇل نەگىزىنەن سپوت باعاسىنىڭ وسۋىنە جانە تەڭگەنىڭ ا ق ش دوللارىنا قاتىستى السىرەۋىنە بايلانىستى ساتۋدىڭ ورتاشا باعاسىنىڭ ءوسۋى ەسەبىنەن جانە وتكەن جىلمەن سالىستىرعاندا ساتۋ كولەمىنىڭ ازداپ ۇلعايۋىنا بايلانىستى بولدى»، - دەدى م. ءشارىپوۆ كومپانيانىڭ 2021 -جىلعى جۇمىس قورىتىندىلارى تۋرالى باسپا ءسوز ءماسليحاتىندا.

ونىڭ ايتۋىنشا، 2021 -جىلى تازا پايدا 2020 -جىلمەن سالىستىرعاندا % 10- عا ۇلعايىپ، 220 ميلليارد تەڭگەنى قۇراعان. ۋران ءوندىرىسىنىڭ كولەمى وتكەن جىلمەن سالىستىرعاندا % 12- عا ۇلعايىپ، 100 پايىزدىق نەگىزدە 21819 تونناعا جەتكەن. 2021 -جىلى پاندەميا بۇكىل ءوندىرىس تىزبەگىنە اسەر ەتىپ، بۇل نەگىزگى ماتەريالدار مەن جابدىقتاردىڭ جەتىسپەۋىنە اكەپ سوقتى. سونداي- اق كەن ورىندارىن يگەرۋ مەن ءوندىرۋ كەستەلەرىنە تيگەن تەرىس اسەردەن 2021 -جىلعا ارنالعان بولجامدارعا قاتىستى كورسەتكىشتەر تومەندەگەن.

«2021 -جىلى شوعىرلاندىرىلعان ساتۋ كولەمى 2020 -جىلعى كولەمگە ۇقساس بولدى. ۋراننىڭ سپوتتىق باعاسىنىڭ ءوسۋى جانە تەڭگەنىڭ ا ق ش دوللارىنا قاتىستى السىرەۋى ارقىلى توپتىڭ ورتاشا ساتۋ باعاسى 2021 -جىلى 1 كيلوگرامم ءۇشىن 36677 تەڭگەنى (ءبىر فۋنت ءۇشىن 33,11 ا ق ش دوللارىن) قۇرادى، بۇل 2020 -جىلمەن سالىستىرعاندا % 16- عا جوعارى»، - دەدى م. ءشارىپوۆ. بۇعان دەيىن م. ءشارىپوۆ رەسەي مەن ۋكراينا قاقتىعىسى «قازاتومونەركاسىپ» ۇلتتىق كومپانياسىنىڭ قىزمەتىنە ايتارلىقتاي اسەر ەتپەگەنىن ايتقان ەدى.

اۆتور: ايجان سەرىكجان قىزى