ق ر قورعانىس مينيسترلىگىنىڭ كادەت كورپۋسىن 2200 دەن استام سەرجانت ءبىتىردى - فوتو
بۇگىنگى تاڭدا كادەتتىك اسكەري قىزمەتشىلەر ءتۇرلى بولىمدەر مەن بولىمشەلەردە قارۋلى كۇشتەردىڭ باس سەرجانتىنان باستاپ بولىمشە كومانديرلەرىنە دەيىنگى لاۋازىمداردا اسكەري قىزمەتتەرىن لايىقتى اتقارىپ ءجۇر. جۋىردا اسكەري وقۋ ورنىندا جاڭا ىرىكتەۋ باستالادى. كادەت كورپۋسىندا وقۋعا 17 مەن 21 جاس ارالىعىنداعى جاس ازاماتتار، سونداي-اق 23 جاستان اسپاعان كەلىسىم-شارت بويىنشا جانە مەرزىمدى اسكەري قىزمەتتەگى اسكەري قىزمەتشىلەر قابىلدانادى.
وقۋ باعدارلاماسى ءبىر جىل ون اي مەرزىمگە ەسەپتەلگەن. كادەتتەر ءبىرىنشى كۋرستا وزدەرىنە الداعى قىزمەتتە قاجەتتى اسكەري ءىستىڭ ماڭىزىن زەردەلەيدى، اسكەري انت قابىلداپ، 10 جىل مەرزىمگە كەلىسىم-شارت جاساسادى. ەكىنشى كۋرستا اسكەري تاعىلىمدامادان وتۋگە كىرىسەدى. ولار ق ر ق ك اسكەري بولىمدەرىنە جىبەرىلىپ، ول جەرلەردە العان تەوريالىق بىلىمدەرىن ءىس جۇزىندە ءتيىمدى قولدانۋعا ۇيرەنەدى، داعدىلار مەن تاجىريبە جيناقتايدى.
كادەتتەر وقۋ اياقتالىسىمەن «باسقارۋ» ماماندىعى بويىنشا ديپلوم الادى، سونىمەن قاتار «اسكەري باسقارۋدىڭ (مەنەدجەر) كىشى مامانى» بىلىكتىلىگى، «3-سىنىپتى ب م پ جۇرگىزۋشى مەحانيگى» جانە «ب»، «س» ساناتىنداعى اۆتوكولىك جۇرگىزۋشىسى كۋالىكتەرى بەرىلەدى. كادەت كورپۋسى بىلىكتى اسكەري كادرلار دايارلايتىن وقۋ ورنى رەتىندە قالىپتاسقانىنا قاراماستان ءالى دە دامۋ، جەتىلۋ ۇستىندە.
وتكەن جىلى قوسىمشا وقۋ سيكلدەرى قۇرىلىپ، سەرجانتتار قۇرامىنىڭ ءبولىم جانە قىزمەت سەرجانتى، وقىتۋشى سەرجانت سياقتى جاڭا لاۋازىمدارى ەنگىزىلدى.