شىمكەنت ءوزىنىڭ 2200 جىلدىعىن ماقۇلداۋ تۋرالى يۋنەسكوعا ءوتىنىم جولدادى
«يۋنەسكو ءوتىنىمدى قاراپ شىققاننان كەيىن، قالامىزعا 2200 جىل تولعانى الەمدىك دەڭگەيدە ماقۇلداناتىن بولادى. سودان كەيىن 2017 -جىلى ءبىز بۇل مەرەيتويدى كەڭىنەن اتاپ وتەمىز»، - دەپ حابارلادى قالا اكىمى دارحان ساتىبالدى. اكىمنىڭ ايتۋىنشا، وسىنداي ماڭىزدى ماسەلەنى شەشۋگە رەسپۋبليكالىق دەڭگەيدەگى مەملەكەتتىك ورگاندار دا ات سالىستى. سونىمەن قاتار، تورقالى جىلدا وتەتىن شارالاردىڭ ءتىزىمى دە جاسالىپ جاتىر.
شىمكەنت قالالىق اكىمدىگىنىڭ باسپا ءسوز قىزمەتى حابارلاعانداي، وتكەن جىلى كۇزدە «شىمكەنت - 2200 جىلدىق تاريح» اتتى حالىقارالىق كونفەرەنسيا ءوتتى، وعان كانادا، فرانسيا، بەلگيا، انگليا، رەسەي، ءازىربايجان جانە وزبەكستان عالىمدارى مەن يۋنەسكو وكىلدەرى قاتىستى.
شاراعا قاتىسۋشىلاردىڭ نازارىنا شىمكەنت قالاسىنىڭ كونە تاريحىن دالەلدەيتىن قازبا جۇمىستارى كەزىندە تابىلعان جادىگەرلەر ۇسىنىلدى. كونفەرەنتسيا سوڭىندا وقىمىستىلار قالانىڭ 2200 جىلدىق جاسىن ءبىر اۋىزدان ماقۇلدادى.
ايتا كەتەيىك، يۋنەسكو شىمكەنتتىڭ 2200 جىلدىعىن ماقۇلداعاننان كەيىن، ول قازاقستانداعى ەڭ كونە قالا بولىپ ەسەپتەلەتىن بولادى.