ماۋسىمنىڭ 22-24 ى ارالىعىندا كۇن سۋىتىپ، نوسەر جاڭبىر مەن بۇرشاق جاۋادى

استانا. قازاقپارات - قازگيدرومەت سينوپتيكتەرى 22-24- ماۋسىم ارالىعىنا ارنالعان ءۇش كۇندىك اۋا رايى بولجامىن ۇسىندى، دەپ حابارلايدى قازاقپارات.

الداعى كۇندەرى رەسپۋبليكا اۋماعىنىڭ باسىم بولىگىندە اۋا رايىنا سيكلون مەن وعان بايلانىستى اتموسفەرالىق فرونتتار ىقپال ەتەدى.

وسىعان بايلانىستى جاڭبىر جاۋىپ، نايزاعاي جارقىلدايدى.

22-24- ماۋسىمدا وڭتۇستىك-شىعىستىڭ تاۋلى ايماقتارىندا، 24- ماۋسىمدا ەلىمىزدىڭ ورتالىعى مەن شىعىسىندا قاتتى جاڭبىر جاۋادى.

قازاقستان بويىنشا بۇرشاق جاۋادى، داۋىل تۇرىپ، جەل كۇشەيەدى.

تەمپەراتۋرالىق فوندا كۇرت وزگەرىستەر بولمايدى.