الماتىدا 21- تامىزدان جولاقى قىمباتتايدى
اتاپ ايتقاندا، «وڭاي» كارتاسىمەن نەمەسە QR- كود ارقىلى تولەم جاساعاندا جول ءجۇرۋ اقىسى 100 تەڭگەنى قۇرايتىن بولادى، ياعني باعا 20 تەڭگەگە قىمباتتايدى. قولما-قول تولەمدە جول ءجۇرۋ قۇنى – 150 دەن 200 تەڭگەگە دەيىن كوتەرىلەدى.
الماتى اكىمى ەربولات دوسايەۆ 10- تامىز كۇنى جولاۋشىلاردى تاسىمالداۋ تاريفتەرىن كوتەرۋ تۋرالى قاۋلىعا قول قويدى.
«الماتى قالاسىنىڭ جولاۋشىلارىن الەۋمەتتىك ماڭىزى بار تۇراقتى تاسىمالداۋعا تاريفتەر تولەم تاسىلىنە قاراي مىناداي مولشەردە بەلگىلەنسىن: ۇيالى بايلانىس وپەراتورىنىڭ نە كولىك كارتاسىنىڭ قىزمەتتەرى ارقىلى قولما-قول اقشاسىز تولەگەن كەزدە - 100 تەڭگە؛ جول ءجۇرۋ اقىسىن قولما-قول اقشامەن تولەگەن كەزدە - 200 تەڭگە»، - دەلىنگەن قاۋلى ماتىنىندە.
ەسكە سالايىق جاڭا تاريف 9- تامىز كۇنى قالا ءماسليحاتىنىڭ 7-سەسسياسىندا بەكىتىلدى. اكىمدىك وكىلدەرىنىڭ ايتۋىنشا، تاسىمالداۋشىلار شىعىندارىنىڭ ارتقانىنا قاراماستان، مەگاپوليستە جولاقى 11 جىلدان استام ۋاقىت بويى وزگەرمەگەن.