ۇ ب ت-عا دايىندايتىن تەگىن ساباقتار 21-قاراشادان باستالادى
ءىرى رەسپۋبليكالىق ءبىلىم بەرۋ ورتالىقتارىمەن بىرلەسە ازىرلەنگەن ونلاين ساباقتار ولاردىڭ YouTube ارنالارىندا تىكەلەي ەفيردە وتكىزىلەدى. ونلاين ساباقتاردىڭ بارلىق ەفيرى تالاپكەرلەر كەز-كەلگەن ۋاقىتتا كورە الاۋى ءۇشىن ساقتالادى.
«عىلىم جانە جوعارى ءبىلىم مينيسترلىگى تەستىلەۋ كەزىندە عانا ەمەس، ونىڭ باستالۋىنا دەيىن دە قولايلى جاعداي جاساۋ ءۇشىن جۇمىس جۇرگىزىپ جاتىر. تۇلەكتەردىڭ ۇ ب ت- عا دايىندىعىن ۇلتتىق تەستىلەۋ ورتالىعى ءبىلىم بەرۋ ورتالىقتارىمەن بىرلەسىپ ءۇشىنشى جىل وتكىزىپ وتىر. وتكەن جىلى 500 ساعاتقا جۋىق ونلاين ساباق وتكىزىلدى. وعان ەلىمىزدىڭ بارلىق وڭىرلەرىنىڭ مەكتەپ تۇلەكتەرى قاتىستى. ولار ۇبت پاندەرى بويىنشا دايىندىقتان ءوتتى. بيىل 8 ورتالىق ساباق بەرەدى. جوبا بيۋدجەت قاراجاتىن جۇمساماي ىسكە اسىرىلعانىن اتاپ وتكىم كەلەدى»، - دەدى ق ر ع ج ب م ۇلتتىق تەستىلەۋ ورتالىعىنىڭ ديرەكتورى رۋسلان ەمەلبايەۆ.
وسىلايشا، ۇلتتىق تەستىلەۋ ورتالىعى مەن ءىرى ءبىلىم بەرۋ ورتالىقتارى تۇلەكتەرگە ەمتيحانعا ءساتتى دايىندالۋعا كومەكتەسەدى. تالاپكەرلەرگە ارنالعان ونلاين- ساباقتار وسى وقۋ جىلىنىڭ سوڭىنا دەيىن جالعاسادى.
سونىمەن قاتار ۇلتتىق تەستىلەۋ ورتالىعى ۇبت- عا دايىندىق ءۇشىن تەگىن ونلاين تەستىلەۋدى ىسكە قوستى. بايقاۋ سىناعىن وتكىزۋ تەحنولوگياسى نەگىزگى ۇبت تەحنولوگياسىنا سايكەس كەلەدى. ياعني، ءقازىردىڭ وزىندە تالاپكەرلەرگە بيىل IT- ماماندىققا ءتۇسۋ ءۇشىن مىندەتتى بولىپ تابىلاتىن «ماتەماتيكا- ينفورماتيكا» پاندەرىنىڭ كومبيناتسياسى قولجەتىمدى.
بۇعان قوسا بولاشاق ستۋدەنتتەر تەست تاپسىرمالارىنىڭ وزگەرتىلگەن قۇرىلىمىمەن تانىسا الادى.