سايلاۋ: ت م د بايقاۋشىلار ميسسياسى 21- قاراشادا قورىتىندى مالىمدەمە جاسايدى
بۇل تۋرالى ت م د اتقارۋشى كوميتەتى ءتوراعاسىنىڭ - اتقارۋشى حاتشىسىنىڭ ورىنباسارى يلحوم نەماتوۆ ايتتى، دەپ حابارلايدى قازاقپارات ءتىلشىسى.
«جۇمىسىمىز اشىقتىققا، دەموكراتيالىققا، بەيتاراپتىققا، قازاقستاننىڭ ىشكى ىستەرىنە ارالاسپاۋعا، حالىقارالىق قۇقىقتىڭ نەگىزگى نورمالارى مەن ۇستانىمدارىن ساقتاۋعا نەگىزدەلگەن. ءبىزدىڭ بايقاۋشى تاجىريبەمىز بار.
بايقاۋ شىنايى وتەتىندىگىنە سەنىمىم مول. قورىتىندى مالىمدەمە جاسايمىز. بايقاۋشىلار توپتارىنىڭ بارلىق جەتەكشىلەرىنىڭ قاتىسۋىمەن ۇيلەستىرۋ كەڭەسىن قۇرامىز. داۋىس بەرۋ اياقتالعاننان كەيىن، 21- قاراشادا قورىتىندى قۇجاتىمىزدى جاريا ەتەمىز. مالىمدەمەمىز قىسقا مەرزىمدى جانە ۇزاق مەرزىمدى بايقاۋشىلاردىڭ بايقاۋ ناتيجەلەرىنە عانا نەگىزدەلەتىن بولادى»، - دەدى يلحوم نەماتوۆ ورتالىق سايلاۋ كوميسسياسىندا وتكەن بريفينگىدە.
ونىڭ اتاپ وتۋىنشە، ەلىمىزدەگى سايلاۋعا تمد ەلدەرىنەن قاتىساتىن 100 دەن استام بايقاۋشىنىڭ 23 ءى بۇگىندە اككرەديتاتسيا الىپ ۇلگەرگەن. ميسسيا قۇرامىنا ت م د- ءنىڭ بارلىق ەلىنىڭ وكىلى، ت م د پارلامەنتارالىق اسسامبلەياسىنىڭ، رەسەي-بەلارۋس وداقتاس مەملەكەتىنىڭ پارلامەنتتىك اسسامبلەياسىنىڭ وكىلدەرى، استانادا اككرەديتتەلگەن ديپلوماتتار جانە ت م د اتقارۋشى كوميتەتىنىڭ قىزمەتكەرلەرى كىرەدى.