«ازاماتتاردىڭ تۇرعىلىقتى جەرى بويىنشا رەسمي تىركەۋسىز تۇرۋ فاكتىلەرى جيىلەپ كەتتى. زاڭ بويىنشا ءاربىر ازامات جەكە تۇرعىن ءۇي بولسىن، جالعا بەرىلەتىن نەمەسە تۇراقتى تۇراتىن باسقا تۇرعىن ءۇي بولسىن، ءوزى تۇراتىن جەردە تىركەلۋى كەرەك. ايتپەسە، تۇرعىلىقتى جەرى بويىنشا تۇراقتى تىركەۋى جوق ادامدارعا كەيبىر مەملەكەتتىك قىزمەتتەردى پايدالانۋ كەزىندە شەكتەۋلەر قولدانىلادى. ازاماتتاردىڭ تۇرعىلىقتى جەرى بويىنشا تۇراقتى نەمەسە ۋاقىتشا تىركەۋسىز تۇرعانى ءۇشىن اكىمشىلىك قۇقىق بۇزۋ تۋرالى كودەكستىڭ 492-بابىندا 7 ا ە ك مولشەرىندە ايىپپۇل سالۋعا دەيىن جاۋاپكەرشىلىك كوزدەلگەن. بۇگىنگى كۇنى ول 21 مىڭ تەڭگەدەن اسادى»، - دەدى ق ر ءى ءى م كوشى- قون قىزمەتى كوميتەتى ءتوراعاسىنىڭ م. ا. اسلان اتالىقوۆ.
وسىعان بايلانىستى كوشى- قون قىزمەتى كوميتەتى بارلىق ازاماتتاردى زاڭعا باعىنۋعا شاقىرادى.
« مەنشىك يەسى ءسىزدى تىركەۋدەن شىعارىپ تاستاعان جوق پا، ۇنەمى تەكسەرىپ وتىرىڭىز. تىركەلگەن جەرىڭىزدى قاراڭىز. ەگەر ءسىز تۇرعىلىقتى جەرىڭىزدى وزگەرتكەن بولساڭىز، وندا جاڭا تۇرعىلىقتى مەكەنجايعا تىركەلۋىڭىز كەرەك. بۇل باسقا قالادان كەلگەن ستۋدەنتتەرگە دە قاتىستى. ءسىز ءوزىڭىزدىڭ وقۋ ورنىڭىزعا تىركەلۋىڭىز كەرەك. مۇنى مۇمكىندىگىنشە تەز جاساڭىز. تىركەۋدى تەكسەرۋدى جانە تىركەۋدى وتە قاراپايىم تاسىلدەرمەن ىسكە اسىرۋعا بولادى:
1) حالىققا قىزمەت كورسەتۋ ورتالىعىنىڭ كەز كەلگەن بولىمشەسىنە جەكە كۋالىكپەن بارىپ، سول جەردە كەلىسىم بەرۋ ءۇشىن تۇرعىن ءۇي يەسىنىڭ قاتىسۋى جەتكىلىكتى.
2) ازامات تۇرعىلىقتى جەرى بويىنشا «ەلەكتروندىق ۇكىمەتتىڭ» egov.kz ينتەرنەت- پورتالى ارقىلى تىركەۋگە ءوتىنىش بەرە الادى، ءۇيدىڭ يەسى دە سول پورتال ارقىلى كەلىسىم بەرە الادى.
3) ىشكى ىستەر مينيسترلىگى تۇرعىلىقتى جەرى بويىنشا تىركەلۋدىڭ تاعى بىرجەڭىل ءادىسىن Halyk Bank-پەن جۇزەگە اسىردى. ول ءۇشىن App Store مەن Play Market-تەن بانكتىڭ ءموبيلدى قوسىمشاسىن جۇكتەۋ كەرەك. جەكە باسىن كۇالاندىرۋدى راستاۋ، تىركەۋ يەسىنىڭ كەلىسىمى sms-پارول ارقىلى جۇرگىزىلەدى. تىركەۋ پروتسەدۋراسى شامامەن ءبىر مينۋت ۋاقىت الادى. سوندىقتان قازاقستاندىقتاردى تاعى دا ناقتى تۇرعىلىقتى جەرى بويىنشا تىركەلۋگە شاقىرامىز جانە كوشى- قون زاڭناماسىنىڭ وسى تالاپتارىن ساقتاماعانى ءۇشىن جاۋاپكەرشىلىككە تارتىلاتىنىن ەسكەرتەمىز. تولىق اقپاراتتى كوشى- قون قىزمەتىنىڭ سايتىنان جانە Polisia.kz سايتىنان الۋعا بولادى»، - دەيدى كوميتەت ءتوراعاسىنىڭ مىندەتىن اتقارۋشى.