بۇل تۋرالى ونلاين بريفينگىدە قالالىق توتەنشە جاعدايلار دەپارتامەنتى ازاماتتىق قورعانىس باسقارماسىنىڭ باستىعى راتبەك دەمەۋبەرگەن ايتتى، دەپ حابارلايدى قازاقپارات.
استانادا شومىلۋعا تىيىم سالىنعان 21 ۋچاسكە بار. ولاردىڭ قاتارىندا - شۇبار، گازماشاپپاراتۋرا جانە تەلمان تۇرعىن الابىنداعى، ترياتلون پاركى، دەپۋتاتتىق قالاشىق ماڭىنداعى ەسىل وزەنى، سونداي-اق قاراسۋ وزەنى، اقبۇلاق وزەنى، نۇرا- ەسىل ارناسى جانە تاعى باسقاسى بار. سۋعا تۇسۋگە رۇقسات ەتىلگەن 3 ۋچاسكە: «ورتالىق قالالىق جاعاجاي»، «تري پەسكاريا» جانە «استانالىق اۋلا» دەمالىس ايماقتارى.
سونداي-اق قازىر ش. بەيسەكوۆا كوپىرى جانىنداعى ورنالاسقان كوممۋنالدىق جاعاجايعا قاتىستى اكىمدىك قاۋلىسىنا تولىقتىرۋ ەنگىزۋ جۇمىسى باستالدى. سۋعا شومىلۋ ماۋسىمى باستالعالى قۇتقارۋشىلار كۇشەيتىلگەن رەجيمدە جۇمىس ىستەپ جاتىر. الايدا ماماندار ۇسىنىسىنا قۇلاق اسپاي، بەلگىلەنبەگەن جەردە شومىلۋ ازايار ەمەس.
«اتقارىلعان جۇمىستارعا قاراماستان، بۇگىنگە دەيىن ەلوردانىڭ سۋ ايدىندارىندا 3 ادام سۋعا كەتتى، ونىڭ ۇشەۋى دە - بالا. بىلتىر وسى ارالىقتا 2 ادام سۋعا كەتىپ، كوز جۇمدى، ونىڭ ىشىندە بىرەۋى - بالا. قازا بولۋ فاكتىلەرى سۋعا شومىلۋعا تىيىم سالىنعان جانە ارنايى جابدىقتالماعان سۋ ايدىنى اۋماعىندا تىركەلگەن. 2022 -جىلى 4 ادام قۇتقارىلدى. الايدا سەرۋەندەۋگە شىققاندار قۇتقارۋ قىزمەتكەرلەرىنىڭ ەسكەرتۋىن ەلەمەي، ولارعا داۋىس كوتەرىپ، نامىسىن تاپتايتىندار، سول سياقتى تىيىم سالۋ بەلگىلەرى مەن ستەندتەردى بۇزاتىندار بار»، - دەدى راتبەك دەمەۋبەرگەن.