جامبىل وبلىسىنىڭ پوليتسيا قىزمەتكەرلەرى قاراقشىلىق جاساعانى ءۇشىن 2018-جىلدان بەرى قاراعاندى قالاسىندا ىزدەۋدە جۇرگەن 49 جاستاعى قىلمىسكەردى ۇستادى.
«ۇستالعان ازامات 2017-جىلدىڭ شىلدەسىندە تەمىرتاۋ قالاسىنىڭ لومباردىنا قاراقشىلىق شابۋىل جاساعان. جەڭىل تابىستىڭ سوڭىنا تۇسكەن قاراقشى 21 ميلليون تەڭگەنى قولدى قىلعان. قازىرگى ۋاقىتتا ۇستالعان ازامات تاراز قالاسىنىڭ ۋاقىتشا ۇستاۋ يزولياتورىنا قاماۋعا الىنعان. ول قاراعاندى وبلىسىنا جىبەرىلەتىن بولادى»، - دەيدى قىلمىستىق پوليتسيا باسقارماسى باستىعىنىڭ ورىنباسارى ارداق ءمادىماروۆ ءوز سوزىندە.