جاڭادان اشىلعان «تاشكەنت سيتي» كەشەنىندەگى «كونگرەسس حوللدا» وزبەك ءتىلىنىڭ مەملەكەتتىك ءتىل رەتىندە قولدانىلعانىنا وتىز جىل تولۋىنا وراي وتكەن سالتاناتتى مەرەيتويدا مەملەكەت باسشىسى شاۆكات ميرزيايەۆ 21 - قازان كۇنىن «وزبەك ءتىلى مەرەكەسى كۇنى» دەپ جاريالادى.
وزبەكستان پرەزيدەنتى تىلگە بايلانىستى وتكەن سالتاناتتى ءىس- شارادا، ەلدە مەملەكەتتىك ءتىلدى دامىتۋعا باعىتتالعان كۇش- جىگەردىڭ قيسىندى جالعاسى رەتىندە تاعى ءبىر ماڭىزدى قادام باستالعانىن جەتكىزدى.
«مەن بۇگىن «وزبەك ءتىلىنىڭ مەملەكەتتىك ءتىل رەتىندە بەدەلى مەن مارتەبەسىن تۇبەگەيلى ارتتىرۋ تۋرالى» جارلىققا قول قويدىم. وندا ايتىلعانداي «مەملەكەتتىك ءتىل جونىندەگى» زاڭ قابىلدانعان كۇنىنىڭ تاريحي ورنى مەن ماڭىزىنا سايكەس، 21 - قازان كۇنىن ەلىمىزدە «وزبەك ءتىلى مەرەكەسى كۇنى» دەپ جاريالاندى»، - دەدى ءوز سوزىندە شاۆكات ميرزيايەۆ.