ءار بالاعا - 21 مىڭ تەڭگە: ءۇش وڭىردە جاردەماقى جوعارى بولادى
ق ر ەڭبەك جانە حالىقتى الەۋمەتتىك قورعاۋ ۆيتسە- ءمينيسترى سۆەتلانا جاقىپوۆانىڭ ايتۋىنشا، 1 - ساۋىردەن باستاپ كوپبالالى وتباسىلار ءۇشىن تاعايىندالاتىن جاردەماقىنىڭ كولەمى ءاربىر بالاعا 20789 مىڭ تەڭگە بولادى. اتالعان كورسەتكىش بارلىعىنا ورتاق. ءبىراق ءۇش وڭىردە ەسەپ- قيساپ باسقاشا جۇرگىزىلەدى.
«قازىر ستاتيستيكانى اشىپ قاراساڭىز، بىزدە ءۇش وڭىردە كۇنكورىس دەڭگەيى باسقاشا. ول - استانا، الماتى مەن ماڭعىستاۋ وبلىسى. وسى ءۇش وڭىردە جاردەماقى ءسال جوعارىلاۋ بولادى. قالعان وبلىستاردا ءاربىر بالاعا 20789 تەڭگەدەن تولەنەدى» ، - دەدى س. جاقىپوۆا قازاقپارات تىلشىسىنە بەرگەن سۇحباتىندا.
ايتا كەتەيىك، بۇعان دەيىن ق ر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ استاناداعى اتاۋلى الەۋمەتتىك كومەكتىڭ كولەمىن جاريالاعان بولاتىن. «اتاۋلى الەۋمەتتىك كومەككە كەلسەك، مەملەكەت باسشىسى ناقتى تاپسىرما بەردى، بۇرىن جانۇيانىڭ ءاربىر مۇشەسىنە تابىستى ەسەپتەگەندە (كۇنكورىس مينيمۋمنىڭ - اۆت. ) 50 پايىزدىڭ دەڭگەيىندە بولسا، ەندى ونى 70 پايىزعا كوبەيتەدى. ەگەر بۇرىن 14849 تەڭگە بولسا، 1 - ساۋىردەن باستاپ ونىڭ كولەمى 20789 تەڭگەگە كوتەرىلەدى. ال ەندى استانا قالاسىندا باسقا وڭىرلەرمەن سالىستىرعاندا ورتاشا جالاقى جوعارى، سوندىقتان 21698 تەڭگەگە دەيىن كوتەرىلەدى. ءبىزدىڭ بولجامىمىز بويىنشا وسى شارامەن، كەم دەگەندە، 830 مىڭ قازاقستاندىق قامتىلادى. ال استانا قالاسىندا، بۇل كەم دەگەندە، 6700 گە جۋىق» ، - دەدى ب. ساپاربايەۆ استاناداعى كوپبالالى انالارمەن بولعان كەزدەسۋدە.
اقپاننىڭ سوڭىندا Nur Otan پارتياسىنىڭ XVIII سەزىندە ق ر تۇڭعىش پرەزيدەنتى - ەلباسى نۇرسۇلتان نازاربايەۆ كوپ بالالى وتباسىلاردا ءاربىر بالانىڭ تولەماقىسىن 21 مىڭ تەڭگەگە دەيىن ارتتىرۋدى تاپسىردى. وسىدان كەيىن ەلباسى اتالعان شارالاردى 1 - ساۋىردەن باستاۋدى مىندەتتەدى.
ق ر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ بالالارعا بەرىلەتىن 21 مىڭ تەڭگەدەن بولەك اتا- اناسىنا قوسىمشا اقى تولەنەتىنىن دە جەتكىزگەن. بۇگىندە ەلىمىزدە كۇنكورىستىڭ مينيمۋمى 29698 تەڭگەنى قۇرايدى. وسى ۋاقىتقا دەيىن اتاۋلى كومەكتى ءبىر ادامعا شاققاندا كۇنكورىس دەڭگەيىنىڭ 50 پايىزىنان، ياعني 14849 تەڭگەدەن اسپايتىن وتباسىلار السا، ەندى پرەزيدەنتتىڭ تاپسىرماسى بويىنشا اتالعان كورسەتكىش 70 پايىزعا - 20789 تەڭگەگە دەيىن كوتەرىلىپ وتىر. دەمەك، كوپبالالى وتباسىنىڭ جالپى تابىسىن ءاربىر ادامعا بولگەندە اقشانىڭ سوماسى كۇنكورىس دەڭگەيىنىڭ 70 پايىزىنا، ياعني 20789 تەڭگەگە جەتپەسە، ءاربىر بالاعا 21 مىڭ تەڭگەنىڭ جاردەماقىسى بەرىلەدى.
«سوسىن ەگەر جانۇيانىڭ ءاربىر ادامىنا شاققاندا تابىس كۇنكورىس دەڭگەيىنەن (70 پايىزدان- اۆت. ) تومەن بولسا، ايىرماشىلىق 10 مىڭ تەڭگە بولا ما، 7 مىڭ تەڭگە بولا ما، سول اتا- اناسىنا دا قوسىمشا تولەنەدى. ودان كەيىنگى ەڭ ۇلكەن جەڭىلدىك، بۇرىن تابىستى ەسەپتەگەندە «التىن القا» ، «كۇمىس القا» ، كوپ بالاعا بەرىلەتىن جاردەماقى، مۇگەدەكتەردىڭ جاردەماقىسى مەن ستيپەندياسى سانالاتىن. ەندى، سونىڭ ءبارىن ەسەپكە المايدى» ، - دەيدى ب. ساپاربايەۆ.
بۇعان دەيىن قازاقپارات ءتىلشىسى اتالعان جاردەماقىنى تاعايىنداۋدىڭ ءتارتىبىن ساراپتاپ شىققان بولاتىن.