«بۇگىندە پاۆلودار وبلىسى قوسالقى شارۋاشىلىقتار كىرىس اكەلمەيدى دەپ، وسى شەشىمدى ايماق بويىنشا قابىلدادى. ول جەردە قوسالقى شارۋاشىلىقتان تۇسەتىن تابىس كىرىس رەتىندە سانالمايدى. قازىرگى تاڭدا مينيسترلىك ءتيىستى جۇمىس جۇرگىزىلىپ جاتىر. پيلوتتىق رەجيمدە بىرنەشە ايماقتا وسى جۇمىستاردى جۇرگىزەمىز»، - دەدى س. جاقىپوۆا قازاقپارات تىلشىسىنە بەرگەن سۇحباتىندا.
ۆيتسە-مينيستر اتاۋلى الەۋمەتتىك تولەمدى تاعايىنداۋ كەزىندە جەكە شارۋاشىلىقتى ەسەپكە الۋ ماسەلەسى جەرگىلىكتى اتقارۋشى ورگانداردىڭ قۇزىرەتىنە بەرىلگەنىن تاعى ءبىر مارتە ەسكە سالدى. «نەگىزى، زاڭ بويىنشا اتقارۋشى ورگاندار جەكە شارۋاشىلىقتى كىرىس رەتىندە ساناي ما، جوق پا، ونى وزدەرى شەشەدى. زاڭدا ونداي قۇزىرەت بەرىلگەن»، - دەپ اتاپ كورسەتتى س. جاقىپوۆا.
ايتا كەتەيىك، بۇعان دەيىن سۆەتلانا قابىكەن قىزى اتاۋلى الەۋمەتتىك كومەكتى تاعايىنداعاندا جەكە شارۋاشىلىقتى ەسەپتەگەن قانشىلىقتى ءادىل ەكەنىن دە ءتۇسىندىردى. «ماسەلەن، ەكى كورشىنى الايىقشى، بىرەۋى 20 سيىر ۇستايدى. بالالارى ءسۇتىن ءىشىپ، ەتىن جەيدى. ال ونىڭ جانىندا وتىرعان كورشىنىڭ سيىرى جوق، بالالارىنا ءسۇت ىشكىزىپ، ەت جەگىزەتىن جاعدايى جوق. ءبىراق جاردەماقىنى ەكەۋىنە بىردەي تاعايىندايمىز. ءبىرىنشى كورشى دە ءاربىر بالاسىنا 20 مىڭ الادى، ەكىنشى كورشى دە ءاربىر بالاسىنا سونداي جاردەماقى الادى. وسى ادىلەتتى مە؟»، - دەدى س. جاقىپوۆا.
الايدا كوپبالالى وتباسىلارعا جاردەماقىنى تاعايىنداۋ كەزىندە ءبىرقاتار الەۋمەتتىك تولەماقىلار ەسەپكە الىنبايدى. سونىڭ ىشىندە «كۇمىس القا»، «التىن القا»، مۇگەدەكتىك ءۇشىن جاردەماقى مەن ستيپەنديالار بار.
Nur Otan پارتياسىنىڭ XVIII سەزىندە ق ر تۇڭعىش پرەزيدەنتى - ەلباسى نۇرسۇلتان نازاربايەۆ كوپبالالى وتباسىلاردا ءاربىر بالانىڭ تولەماقىسىن 21 مىڭ تەڭگەگە دەيىن ارتتىرۋدى تاپسىردى. وسىدان كەيىن ەلباسى اتالعان شارالاردى 1- ساۋىردەن باستاۋدى مىندەتتەدى.
ق ر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ بالالارعا بەرىلەتىن 21 مىڭ تەڭگەدەن بولەك اتا-اناسىنا دا قوسىمشا اقى تولەنەتىنىن جەتكىزدى. بۇگىندە ەلىمىزدە كۇنكورىستىڭ مينيمۋمى 29698 تەڭگەنى قۇرايدى. وسى ۋاقىتقا دەيىن اتاۋلى كومەكتى ءبىر ادامعا شاققاندا كۇنكورىس دەڭگەيىنىڭ 50 پايىزىنان، ياعني 14849 تەڭگەدەن اسپايتىن وتباسىلار السا، ەندى پرەزيدەنتتىڭ تاپسىرماسى بويىنشا اتالعان كورسەتكىش 70 پايىزىنان - 20789 تەڭگەگە دەيىن كوتەرىلىپ وتىر. دەمەك، كوپبالالى وتباسىنىڭ جالپى تابىسىن ءاربىر ادامعا بولگەندە اقشانىڭ سوماسى كۇنكورىس دەڭگەيىنىڭ 70 پايىزعا، ياعني 20789 تەڭگەگە جەتپەسە، ءاربىر بالاعا 21 مىڭ تەڭگەنىڭ جاردەماقىسى بەرىلەدى.
«سوسىن ەگەر جانۇيانىڭ ءاربىر ادامىنا شاققاندا تابىس كۇنكورىس دەڭگەيىنەن (70 پايىزدان- اۆت.) تومەن بولسا، ايىرماشىلىق 10 مىڭ تەڭگە بولا ما، 7 مىڭ تەڭگە بولا ما، سول اتا-اناسىنا دا قوسىمشا تولەنەدى. ودان كەيىنگى ەڭ ۇلكەن جەڭىلدىك، بۇرىن تابىستى ەسەپتەگەندە «التىن القا»، «كۇمىس القا»، كوپ بالاعا بەرىلەتىن جاردەماقى، مۇگەدەكتەردىڭ جاردەماقىسى مەن ستيپەندياسى سانالاتىن. ەندى، سونىڭ ءبارىن ەسەپكە المايدى»، - دەيدى ب. ساپاربايەۆ.
بۇعان دەيىن قازاقپارات ءتىلشىسى اتالعان جاردەماقىنى تاعايىنداۋدىڭ ءتارتىبىن ساراپتاپ شىققان بولاتىن.