سوت مەسسيدى 21 ايعا باس بوستاندىعىنان ايىردى
12:05, 25 - مامىر 2017
استانا. قازاقپارات - يسپانيانىڭ جوعارعى سوتى ارگەنتينا ۇلتتىق قۇراماسى مەن «بارسەلونا» شابۋىلشىسى ليونەل مەسسيگە قاتىستى ايىپتاۋ ۇكىمىن شىعاردى.
بۇل تۋرالى تۆيتتەردەگى Football ESpana حابارلادى.
سوت مەسسيدى 21 ايعا باس بوستاندىعىنان ايىردى. يسپانيا زاڭىنا سايكەس ەكى جىلعا جەتپەيتىن جازا شارتتى تۇردەگى جازامەن الماستىرىلادى. سول سەبەپتى فۋتبولشى جازاسىن تۇرمەدە وتەمەيدى.
ەسكە سالساق، فۋتبولشى مەن ونىڭ اكەسى حورحە وتكەن جىلدىڭ ماۋسىمىنان بەرى سوتقا جاۋاپ بەرىپ ءجۇر. ولارعا 2007، 2008، 2009-جىلدارى 4,1 ميلليون ەۆرو سالىق تولەمەگەنى ءۇشىن ايىپ تاعىلعان.
سونىمەن قاتار، ءبىرقاتار ب ا ق- تىڭ حابارلاۋىنشا مەسسي 2,1 ميلليون ەۆرو ايىپپۇل تولەۋى ءتيىس ەكەن. سپورتشىنىڭ اكەسىنىڭ جازاسى 21 ايدان 15 ايعا قىسقارتىلدى.