2016 -جىلعى 21 جانە 25 -قاراشادا وڭىرلەردى دامىتۋدىڭ 2020 -جىلعا دەيىنگى باعدارلاماسىنىڭ «قازاقستاننىڭ تۇرعىن ءۇي قۇرىلىس جيناق بانكى» اكسيونەرلىك قوعامىنىڭ تۇرعىن ءۇيى» باعىتى بويىنشا قۇجاتتار قابىلدانادى.
وڭىرلەردى دامىتۋدىڭ 2020 -جىلعا دەيىنگى باعدارلاماسىن ىسكە اسىرۋ شەڭبەرىندە استانا قالاسىنىڭ اكىمدىگى جانە «قازاقستاننىڭ تۇرعىن ءۇي قۇرىلىس جيناق بانكى» اكسيونەرلىك قوعامى اراسىندا استانا قالاسى، ەسىل وزەنىنىڭ وڭ جاعالاۋى، № 23- 31, 23-16, 23-17, 23-30, ا98 كوشەلەر (جوبالىق اتاۋى)، لوت 15 مەكەنجايى بويىنشا ورنالاسقان كوپ پاتەرلى تۇرعىن ءۇي كەشەنىنەن تۇرعىن ءۇيدىڭ 1 شارشى مەترى ءۇشىن قۇنى 120 مىڭ تەڭگە بولاتىن 125 پاتەردى ساتۋ جونىندەگى ىنتىماقتاستىق تۋرالى كەلىسىمگە قول قويىلدى، ونىڭ ىشىندە: اۋدانى 34,36 شارشى مەتر ءبىر بولمەلى 3 پاتەر؛ اۋدانى 57,68 شارشى مەتردەن 60,69 شارشى مەترگە دەيىن ەكى بولمەلى 64 پاتەر؛ اۋدانى 72,76 شارشى مەتردەن 78,82 شارشى مەترگە دەيىن ءۇش بولمەلى 58 پاتەر. قۇجاتتاردى قابىلداۋ 2016 -جىلدىڭ 21 جانە 25 -قاراشا (قوسا العاندا) ارالىعىندا e.astana.kz ۆەب- پورتالى ارقىلى ءوتىنىش بەرۋشىنىڭ ەلەكتروندىق تسيفلىق قولتاڭباسىن قولدانۋ ارقىلى جۇزەگە اسىرىلادى.
پورتالدىڭ اشىلۋ ۋاقىتى 2016 -جىلعى 21 -قاراشادا ساعات 9.00-دە، جابىلۋ ۋاقىتى 2016 -جىلعى 25 -قاراشادا ساعات 24.00-دە. پورتالدىق جۇمىس ىستەۋ ۋاقىتى - تاۋلىك بويى. باعدارلاماعا سايكەس اتالعان باعىتتا مىنا ساناتتار بويىنشا استانا قالاسىندا كوممۋنالدىق تۇرعىن ءۇي قورىنان تۇرعىن ۇيگە مۇقتاجدار ەسەبىندە تۇرعان (كەزەكتەگىلەر) ازاماتتار عانا قاتىسا الادى: جەتىم بالالار، اتا- اناسىنىڭ قامقورلىعىنسىز قالعان بالالار؛ حالىقتىڭ الەۋمەتتىك جاعىنان ءالسىز توپتارى (ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن ادامدار؛ مۇگەدەك بالالارى بار نەمەسە ولاردى تاربيەلەۋشى وتباسىلارى؛ جاسىنا قاراي زەينەتكەرلەر؛ ورالماندار؛ ەكولوگيالىق زىلزالالار؛ تابيعي جانە تەحنوگەندى سيپاتتاعى توتەنشە جاعدايلار سالدارىنان تۇرعىن ۇيىنەن ايىرىلعان ادامدار؛ كوپ بالالى وتباسىلار؛ تولىق ەمەس وتباسىلار)؛ مەملەكەتتىك قىزمەتكەرلەر، اسكەري قىزمەتكەرلەر، ارناۋلى مەملەكەتتىك ورگاندار قىزمەتكەرلەرى، بيۋدجەتتىك ۇيىمداردىڭ قىزمەتكەرلەرى.
باعدارلاما تالاپتارى بويىنشا بۇل باعىتتى ىسكە اسىرۋدا تۇرعىن ۇيگە مۇقتاجدار ەسەبىندە مىنا ساناتتار بويىنشا كەزەكتە تۇرعان ازاماتتار قاتىسا المايدى: ۇلى وتان سوعىسىنىڭ مۇگەدەكتەرى مەن قاتىسۋشىلارى؛ 1- جانە 2-توپتاعى مۇگەدەكتەر؛ قازاقستان رەسپۋبليكاسىنىڭ ۇكىمەتى بەكىتەتىن اۋرۋلار تىزىمىمەن بەكىتىلەتىن كەيبىر سوزىلمالى اۋرۋلاردىڭ اۋىر تۇرلەرىمەن اۋىراتىن ادامدار؛ مەملەكەتتىك نەمەسە قوعامدىق مىندەتتەرىن، اسكەري قىزمەتىن ورىنداۋ كەزىندە، عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ كەزىندە، ادام ءومىرىن قۇتقارۋ كەزىندە، قۇقىق ءتارتىبىن قورعاۋ كەزىندە قازا تاپقان (قايتىس بولعان) ادامداردىڭ وتباسىلارى؛ جالعىز تۇرعىن ءۇيى قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن اۆاريالىق جاعدايدا دەپ تانىلعان ازاماتتار. باعدارلاما اياسىندا قۇجاتتاردى قابىلداۋ مەرزىمى كەزىندە ءوتىنىش ءبىر رەت قانا بەرىلۋى مۇمكىن.
بۇل رەتتە ءوتىنىش تىكەلەي كوممۋنالدىق تۇرعىن ءۇي قورىنان تۇرعىن ۇيگە مۇقتاجدار كەزەگىندە تۇرعان ادامنان عانا بەرىلۋى كەرەك. ەگەر ءوتىنىش يەسى كەزەكتە تۇرماسا، وندا ءوتىنىش جوققا شىعارىلادى. پورتال ارقىلى ءوتىنىش تولتىرار الدىندا ءوتىنىش بەرۋ بويىنشا نۇسقاۋلىقپەن تانىسۋ قاجەت.
ءوتىنىش بەرۋ ءۇشىن: ءوتىنىش يەسىنىڭ ە س ق كۋالاندىرىلعان ەلەكتروندىق قۇجات نىسانىنداعى سۇرانىسىن؛ نەكە قيۋ (نەكەنى بۇزۋ) تۋرالى كۋالىكتىڭ (2008 -جىلدىڭ 1 -ماۋسىمىنا دەيىنگى) ، وتباسى مۇشەسىنىڭ قايتىس بولۋى تۋرالى (2007 -جىلدىڭ 13 -تامىزىنا دەيىن)، بالالاردىڭ تۋۋ تۋرالى كۋالىكتەرىنىڭ (2007 -جىلدىڭ 13 -تامىزىنا دەيىن) ەلەكتروندىق كوشىرمەسىن؛ ءوتىنىش يەسىنىڭ جۇمىس ورنىنان انىقتاماسىنىڭ ەلەكتروندىق كوشىرمەسىن؛ ءوتىنىش يەسىنىڭ جۇمىس ورنىنان تابىس الاتىندىعىن راستايتىن انىقتامانىڭ ەلەكتروندىق كوشىرمەسىن ۇسىنۋ قاجەت. مەملەكەتتىك ەلەكتروندىق اقپاراتتىق رەسۋرس بولىپ تابىلاتىن مىناداي قۇجاتتار مالىمەتىن ءوتىنىش بەرۋشى مەملەكەتتىك ورگانداردىڭ ۋاكىلەتتى تۇلعاسىنىڭ ە س ق كۋالاندىرىلعان ەلەكتروندىق قۇجاتتار تۇرىندە ءتيىستى مەملەكەتتىك اقپاراتتىق جۇيەسىنەن الادى: ءوتىنىش يەسى تۇلعاسىن كۋالاندىراتىن مالىمەت؛ نەكە قيۋ نەمەسە نەكەنى بۇزۋ تۋرالى (2008 -جىلعى 1 -ماۋسىمنان كەيىنگى)، قايتىس بولۋى تۋرالى (2007 -جىلعى 13 -تامىزدان كەيىنگى)، بالالاردىڭ تۋۋى تۋرالى (2007 -جىلعى 13 -تامىزدان كەيىنگى) مالىمەت؛ ءوتىنىش يەسىندە جانە ونىمەن بىرگە تۇراقتى تۇراتىن وتباسى مۇشەلەرىندە قازاقستان رەسپۋبليكاسىنىڭ اۋماعىندا مەنشىك قۇقىعىندا نەمەسە كەيىننەن ساتىپ الۋ قۇقىعىمەن جالدامالى تۇرعىن ءۇيى بار نەمەسە جوق بولۋى تۋرالى مالىمەت؛ ءوتىنىش يەسى جانە ونىمەن بىرگە تۇراقتى تۇراتىن وتباسى مۇشەلەرىنىڭ استانا قالاسىندا تۇراتىندىعىن راستايتىن تىركەۋ تۋرالى مالىمەت؛ وتباسى مۇشەلەرىندە مۇگەدەكتىڭ بار بولۋىن دالەلدەيتىن مالىمەت؛ باعدارلاماعا قاتىسۋعا ءوتىنىش بەرگەن كەزدە كەزەك ءنومىرىن كورسەتۋمەن تۇرعىن ۇيگە مۇقتاجدار كەزەگىندە تۇرعانى جونىندە مالىمەت. قاجەت بولعان جاعدايدا «استانا قالاسىنىڭ تۇرعىن ءۇي باسقارماسى» مەملەكەتتىك مەكەمەسىنىڭ (بۇدان ءارى - باسقارما) قىزمەتكەرلەرىمەن ازاماتتار قوسىمشا قۇجاتتاردى ۇسىنۋ ءۇشىن نەمەسە ءوتىنىش يەسىمەن بەرىلگەن مالىمەتتى انىقتاۋ ءۇشىن شاقىرىلۋى مۇمكىن. وتباسى قۇرامى (وتباسى مۇشەلەرىنىڭ سانى) ءوتىنىش بەرىلگەن پاتەر اۋدانىنا اسەر ەتپەيدى، ۇمىتكەرلەر ءوز قالاۋى بويىنشا پاتەر ءتۇرىن كورسەتەدى.
قاتىسۋشىلار اراسىنداعى الدىن الا ىرىكتەۋ استانا قالاسى اكىمدىگىنىڭ جانىنداعى تۇرعىن ءۇي كوميسسياسىمەن (بۇدان ءارى - كوميسسيا) تۇرعىن ۇيگە مۇقتاجدار ەسەبى تىزىمىنە جانە سول كەزەككە تۇرعان كۇنىنە سايكەس جۇرگىزىلەدى. «ق ت ق ج ب» ا ق- مەن ىرىكتەلگەن ءوتىنىش يەلەرىنىڭ تولەم قابىلەتتىلىگىن باعالاۋى وتكىزىلگەن سوڭ، كوميسسيا باعدارلاماعا قاتىسۋشىلاردىڭ ناقتى ءتىزىمىن بەكىتەدى، ولار استانا قالاسى اكىمدىگىنىڭ جانە باسقارمانىڭ ينتەرنەت- رەسۋرسىندا جاريالانادى. باعدارلاما شەڭبەرىندە جەكە مەنشىككە باعدارلامانىڭ بارلىق باعىتتارى جانە قازاقستان رەسپۋبليكاسىنىڭ بارلىق وڭىرلەرى بويىنشا كەيىننەن ساتىپ الۋ قۇقىعىمەن 1 عانا بىرلىك تۇرعىن ءۇي ساتىپ الۋعا نەمەسە جالعا الۋعا بولادى.