نازاربايەۆ: 21- عاسىردا جىلدامدىق وركەنيەت دامۋىنىڭ قۋاتتى قوزعالتقىشىنا اينالدى
بۇل تۋرالى بۇگىن «استانا» كلۋبىنىڭ ەكىنشى وتىرىسىندا قازاقستان پرەزيدەنتى نۇرسۇلتان نازاربايەۆ ايتتى، دەپ حابارلايدى قازاقپارات.
«بۇگىنگى ادامزات بالاسى تاعدىرشەشتى ءداۋىردى باستان كەشۋدە. 21- عاسىردا جىلدامدىق وركەنيەت دامۋىنىڭ قۋاتتى قوزعالتقىشىنا اينالعان. كوپتەگەن جالپى الەمدىك جانە وڭىرلىك پروتسەستەر كەرەمەت جوعارى ديناميكاعا يە بولىپ وتىر. يندۋستريالدى قوعامنىڭ ءبىر مەزەتتە پوستيندۋستريالدى، ال اقپاراتتىق پوست اقپاراتتىققا اينالعانىن ەشكىم دە بايقاماي قالدى»، - دەپ اتاپ ءوتتى مەملەكەت باسشىسى.
وسى رەتتە قازاقستان پرەزيدەنتى الەم ۇلى عىلىمي جاڭالىقتاردىڭ جاڭا ءداۋىرى تابالدىرىعىندا تۇرعانىن باسا ايتتى. «بۇگىندە تاياۋ ون جىلدىقتا قورشاعان الەم مەن قوعام ءومىرى قانشالىق تۇبەگەيلى وزگەرىسكە ۇشىرايتىندىعىن بولجاۋعا عانا بولادى. ينفورماتيكانىڭ دامۋىنىڭ ارقاسىندا جاھاندىق كەڭىستىك ۆيرتۋالدى جەلىمەن بارىنشا مىعىم جالعانا تۇسۋدە.
بۇل ۇلتتىق، وڭىرلىك جانە جاھاندىق دامۋ ماسەلەلەرىندە جاڭا ادىستەردى تالاپ ەتەتىندىگى ءسوزسىز. ءدال وسى جايتقا ايرىقشا نازار اۋدارۋدى تالاپ ەتەتىن بايىپتى سىن-قاتەرلەر نەگىزدەلىپ وتىر»، - دەدى نازاربايەۆ.
ايتا كەتەيىك، حالىقارالىق دەڭگەيدەگى شاراعا الەمنىڭ 50 دەن استام ساراپشىسى، ساياسي جانە قوعام قايراتكەرلەرى، 21 ەلدىڭ عالىمدارى، سونىمەن بىرگە جەتەكشى قازاقستاندىق ساراپشىلار قاتىسۋدا. «استانا» كلۋبى ق ر تۇڭعىش پرەزيدەنتى - ەلباسى قورىنىڭ جەتەكشى حالىقارالىق عىلىمي ورتالىقتار - قىتاي قازىرگى زامانعى حالىقارالىق قاتىناستار اكادەمياسى، گەرمانيا سىرتقى ساياسات كەڭەسى، رەسەي حالىقارالىق ىستەر كەڭەسى جانە حالىقارالىق بەيبىتشىلىك ءۇشىن كارنەگي قورىمەن بىرلەسىپ قۇرعان حالىقارالىق پىكىرتالاس الاڭى سانالادى.
«استانا» كلۋبىنىڭ ءبىرىنشى وتىرىسى 2015-جىلعى قاراشادا الەمنىڭ 15 ەلىنەن كەلگەن 47 ساراپشىنىڭ قاتىسۋىمەن وتكەن ەدى. ونىڭ بارىسىندا ەۋرازيا گەوەكونوميكاسىنىڭ نەگىزگى اسپەكتىلەرى، عالامدىق جانە وڭىرلىك ويىنشىلاردىڭ مۇددەلەرى، ەكونوميكالىق قاۋىپ-قاتەرلەر مەن مۇمكىندىكتەر تالقىلانعان بولاتىن.