ع. تولەعۇل: «الەم. 21 عاسىر» مانيفەسى ادامزاتقا تونگەن قاۋىپتى الدىن الۋدىڭ العىشارتى بولىپ تابىلادى
اقمولا وبلىستىق ارداگەرلەر كەڭەسىنىڭ ءتوراعاسى عوسمان تولەعۇل وسىنداي پىكىرىن ءبىلدىردى.
ونىڭ ايتۋىنشا، ەلباسى ن. نازاربايەۆ ا ق ش استاناسى ۆاشينگتوندا وتكەن يادرولىق قاۋىپسىزدىك جونىندەگى ءتورتىنشى سامميت شەڭبەرىندە بۇكىل عالامشارىمىزعا تونگەن قاۋىپتى تاعى ءبىر رەت ەسكەرتىپ، ونىمەن كۇرەسۋ كەرەكتىگىن عانا ەمەس، جولدارىن دا، قانداي ارەكەت ەتۋ قاجەتتىگىن دە تايعا تاڭبا باسقانداي ءتۇسىندىرىپ بەردى.
«جاسىراتىنى جوق، بۇگىنگى كۇنى الەمدى جالماعان داعدارىس پەن ءدىن مەن جەردى سىلتاۋ ەتىپ وقتىن-وقتىن ءار ەلدە تۇتانىپ، ءتىپتى، كەيبىرى ءورشىپ بارا جاتقان سوعىس وشاقتارى بەيبىتشىلىك جايلاعان ەلدە ءومىر ءسۇرىپ جاتقان بىزدەردى دە قاتتى الاڭداتىپ وتىر.
ەلىمىزدە سوعىس بولماسا دا، كەزىندە ك س ر و- نىڭ يادرولىق ستراتەگيالىق وبەكتىسى بولعان سەمەي پوليگونىندا يادرولىق جانە تەرمويادرولىق جارىلىستاردىڭ زاردابىن ءالى تارتىپ جاتقان جايىمىز بار. وسى رادياتسيالىق اسەر ايماعىندا تۇراتىن ادامدار ازاپ شەگىپ، ءبىرى مۇگەدەك بولىپ قالسا، ەكىنشىسى ايىقپاس دەرتكە شالدىقتى. 40 جىلعا سوزىلعان بۇل جارىلىستاردىڭ زاردابى ۇشان-تەڭىز.
«ەل قادىرىن كورگەن بىلەدى، جەر قادىرىن جۇرگەن بىلەدى» دەمەكشى، قازاقستان جاپپاي قىرىپ-جويۋ قارۋىنىڭ ادامزاتقا، ونى يەمدەنگەن مەملەكەتكە جاقسىلىق، ابىروي اكەلمەيتىنىن بىلەدى.
دۇنيەجۇزىندە العاشقىلاردىڭ ءبىرى ءارى بىرەگەي بولىپ ودان ءوز ەركىمەن باس تارتۋى، يادرولىق جانە باكتەريولوگيالىق قارۋلاردى سىناۋ الاڭىن جابۋى وزگەگە ۇلگى بولارلىقتاي.
الايدا، وعان باقايشاعىنا دەيىن قارۋلانعان مەملەكەتتەر قۇلاق اسار ەمەس. قارۋلى قاقتىعىستار جاپپاي قىرىپ- جويۋ قارۋىنان باس تارتقان ەلدەردە ەمەس، كەرىسىنشە، ون قارۋىن سايلاپ العان مەملەكەتتەردە تۇتانۋدا. سوندىقتان، بۇل مەملەكەتتەر ءبىر ءسات ويلانىپ، جان-جاعىنا باجايلاپ قاراعانى ابزال. وسى ورايدا، ەلباسىنىڭ «الەم. ХХІ عاسىر» مانيفەسى ءسوزسىز ادامزاتقا تونگەن قاۋىپتى الدىن الۋدىڭ العىشارتى بولىپ تابىلاتىنى ءسوزسىز»، دەدى ع. تولەعۇل.
اۆتور: اسلان وسپانوۆ