اقتاۋ تەڭىز پورتىندا جۇك اعىمى جىلىنا 21 ميلليون تونناعا دەيىن ارتتىرىلادى
بۇل تۋرالى بۇگىن ق ر پرەزيدەنتى جانىنداعى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا «قازاقستان تەمىر جولى» ۇ ك» ا ق ۆيتسە-پرەزيدەنتى رومان سكليار ءمالىم ەتتى.
ونىڭ سوزىنە قاراعاندا، اقتاۋ تەڭىز پورتىن سولتۇستىك باعىتتا كەڭەيتۋ ءۇشىن قۋاتى جىلىنا 3 ميلليون توننا بولاتىن 3 جۇك تەرمينالى سالىنادى.
«سونىڭ ىشىندە قۋاتى 1,5 ميلليون توننا استىق ارتا الاتىن تەرمينال، سونىمەن قاتار 1,5 ميلليون توننا جۇك تاسىمالداۋعا قاۋقارلى ەكى جۇك تەرمينالى بوي كوتەرەدى. وسىلايشا، اقتاۋ پورتىنىڭ قۋاتى جىلىنا 18 ميلليون توننادان 21 ميلليون تونناعا دەيىن ارتادى. وسىنىڭ ارقاسىندا ەلدە جۇك قابىلداۋ جانە ارتۋعا قاجەتتى قۋات تولىعىمەن قامتاماسىز ەتىلمەك. قازىرگى ۋاقىتتا قۇرىلىس جانە مونتاجداۋ جۇمىستارى جۇرگىزىلۋدە. بارلىعى مەرزىمگە ساي وتۋدە. بۇل جۇمىستار بيىل 1- شىلدەدە اياقتالادى»، - دەدى ول.
اۆتور: جاسۇلان جولدىبايەۆ