14-ءساۋىر، ساعات 13.00 دەن باستاپ الماتى قالاسىندا كوروناۆيرۋس ينفەكسياسىنىڭ جاڭادان 24 وقيعاسى انىقتالدى. 15-ءساۋىر، ساعات 12.30 داعى سوڭعى مالىمەت بويىنشا، قالادا بارلىعى 370 ناۋقاس تىركەلگەن. ونىڭ ىشىندە 6 بالا جانە 3 ءۇش جۇكتى ايەل بار.
ورتالىق قالالىق كلينيكالىق اۋرۋحاناسىندا جاتقان 215 ادامنىڭ بارلىعىنان كوروناۆيرۋسكە اناليز الىنعان. 18 پاتسيەنتتە تالداۋ وڭ ناتيجە كورسەتتى. بۇگىندە الماتىدا ىندەتتى جۇقتىرعان مەديتسينا قىزمەتكەرلەرىنىڭ جالپى سانى - 218.
ولاردىڭ 182 سى ورتالىق قالالىق كلينيكالىق اۋرۋحاناسىنىڭ ماماندارى. 30 قىزمەتكەر - قالالىق بالالار كلينيكالىق جۇقپالى اۋرۋلار اۋرۋحاناسىنىڭ، 2 ەۋى - شۇعىل مەديتسينالىق جاردەم ستانتسياسىنىڭ، 1-ەۋى - № 1 قالالىق كلينيكالىق اۋرۋحانانىڭ قىزمەتكەرلەرى. سونداي-اق № 11, 32 جانە 12 قالالىق ەمحانالارىندا ك ۆ ي-گە شالدىققان ءبىر-ءبىر مەديتسينا مامانىنان انىقتالدى.
ورتالىق قالالىق اۋرۋحانا دەزينفەكسيالىق وڭدەۋ جۇمىستارىنا جابىلدى. قازىرگى ۋاقىتتا قالانىڭ ستاتسيونارلارىندا الماتى وبلىسىنىڭ ءبىر پاتسيەنتىن قوسا العاندا، بارلىعى 311 ادام ەم قابىلادۋدا. جاعدايلارى - قاناعاتتانارلىق. قايتىس بولعاندار سانى - 2. جازىلىپ شىققاندار سانى - 58.