بۇل جايلى ق ح ر ك پ ك ورتالىق كوميستسياسى تەكسەرۋ جۇرگىزگەننەن كەيىن بەلگىلى بولدى.
بۇل تۋرالى ر ي ا نوۆوستي حابارلايدى.
2017-جىلدىڭ ءبىرىنشى جارتى جىلدىعىندا انتيكوررۋپتسيالىق ءار ءتۇرلى دەڭگەيدەگى ينستانتسيالارى 1,31 ميلليون ارىز قابىلدادى، تارتىپتىك ەرەجەنى 260 مىڭ ادام بۇزعان. تارتىپتىك ەرەجەنى بۇزعان 210 مىڭ ادام جازالاندى، 176 مىڭ ادام پارتيادان قۋىلدى، - دەلىنگەن جاريالانعان قۇجاتتا.
سونىمەن قاتار، قۇقىق بۇزعاندار قاتارىندا 38 لاۋازىمدى شەنەۋنىكتىڭ بارى ايتىلعان، ونىڭ ىشىندە پروۆينتسيالدىق اكىمشىلىك پەن ءار ءتۇرلى مينيسترلىك بار. مەملەكەتتىك قىزمەتتەگى باسقارما باسشىلارى مىڭنان اسادى.
«پارتيالىق ءتارتىپتى جانە زاڭنامالىق قۇقىقتى بۇزۋ» - بۇل انتيكوررۋپتسيالىق ىستەردىڭ بالاماسى. 2012- جىلى ق ح ر باسشىسى شي جينپيڭ تاققا وتىرعالى ەلدە سىبايلاس جەمقورلىققا قارسى كەڭ ماسشتابتى كۇرەس باستالدى. قىتاي جاھاندى سىبايلاس جەمقورلىققا قارسى جەلى اشۋدى كوزدەيدى، وسى ماقساتتا ولار قازىرگى ۋاقىتتا شەت ەلدەردە قاشىپ جۇرگەن شەنەۋنىكتەردى ەكستراديتسيالاۋدى كوزدەپ وتىر.