ءيت باپتاپ جۇرگەنىمە 20 جىلعا جۋىقتادى - كينولوگ ايەل

ش ق و توتەنشە جاعدايلار دەپارتامەنتى ءورت ءسوندىرۋ جانە اپاتتىق- قۇتقارۋ جۇمىستارى قىزمەتىنىڭ كينولوگيا بولىمشەسىنىڭ قۇرامىندا 4 كينولوگ پەن 5 قىزمەتتىك ءيت بار، دەپ حابارلايدى قازاقپارات ءتىلشىسى.

ۇجىمدا ەر ادامدارمەن قاتار نازىك جاندار دا جۇمىس ىستەيدى. جانۋارلارعا دەگەن سۇيىسپەنشىلىك ولارعا ماماندىق تاڭداۋدا باعدار بولدى. ناتاليا دروججينانىڭ اتالعان كينولوگيا ءبولىمىن باسقارىپ كەلە جاتقانىنا 19 جىل تولىپ وتىر. ونىڭ قىزمەتى ۇلكەن جاۋاپكەرشىلىكتى تالاپ ەتەدى. ناتاليانىڭ ءوز مىندەتىن جوعارى دەڭدەيدە ورىنداۋىنا سۇيىكتى ءيتى كومەكتەسەدى.

«ءتورت اياقتى دوسىم رەم بىربەتكەي جانە قىڭىر مىنەزدى. ءبىراق ول ءار تاپسىرماعا دەن قويىپ، ورىنداۋعا ءازىر. جۇمىستىڭ ءساتتى ورىندالۋىنىڭ € Ù‰ يتتەرگە بايلانىستى. كەز-ÙƒÛ•Ù„Ú¯Û•Ù† توتەنشە جاعدايدا، مىسالى، قيراعان عيماراتتاردىڭ اراسىندا ءيت قۇتقارۋشىلارعا دۇرىس جول كورسەتىپ، جابىرلەنۋشىنى تەزىرەك تابادى»، - دەيدى ول.

ناتاليا جۇمىستان بوس ۋاقىتىن دا ءۇي جانۋارىمەن بىرگە وتكىزەدى.

يتتەردى بالا كۇنىنەن جاقسى كورەتىن مارينا سۋكانوۆا بۇل سالادا جۇمىس ىستەپ جۇرگەنىنە ريزا.

«يتتەرمەن جۇمىس ىستەگەندە ەڭ باستىسى مەيىرىمدىلىك قاجەت. جۇمىستا كاسىبي مامان بولسام، ۇيدە انامىن. قىستا بالالارىممەن بىرگە تابيعاتقا شىعىپ شاڭعى تەبۋدى جاقسى كورەمىز. ارينە، ءۇي جانۋارلارىمىزدى وزىمىزبەن بىرگە الىپ كەلەمىز. يتتەردى شاناعا جەگىپ، بالالاردى سىرعاناتامىن»، - دەيدى مارينا.

اۆتور

تالعاتجان مۇحامەتبەك ۇلى