بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتى ءتوراعاسىنىڭ مىندەتىن اتقارۋشى ءىلياس يسپانوۆ ايتتى، دەپ حابارلايدى قازاقپارات ءتىلشىسى.
سپيكەردىڭ ايتۋىنشا، بيىل وڭتۇستىكتەن سولتۇستىككە 7550 ادام كوشكەن. ونىڭ 1200 ءى - قانداس، تەك 76 ادام وڭتۇستىككە قايتقان.
«سول جاقتا ءومىر ءسۇرىپ، بەيىمدەلىپ كەتكەن ادامدار جەتەدى. الەۋمەتتىك جەلىدە شىققان اقپارات ناقتى مەملەكەتتەگى جاعدايدى كورسەتەدى دەپ ايتا المايمىن. ناقتى مالىمەت: 7 مىڭ ادامنان 70 ءسى عانا قايتتى. ونىڭ 30 ى سولتۇستىككە بارىپ، ءوزى كەلىسكەن جۇمىس كوڭىلىنەن شىقپاعان. ادام بولعاسىن ءارتۇرلى جاعدايلار بولادى»، - دەپ جاۋاپ بەردى ءى. يسپانوۆ ورتالىق كوممۋنيكاتسيالار قىزمەتىندە ءتىلشى سۇراعىنا.
كوميتەت وكىلى سولتۇستىككە كوشكەندەردىڭ 33 ءى بارا سالىپ، كەرى قايتقانىن ايتتى. ولارعا كليمات ۇناماعان.
«ەندى بيىل زاڭ جوباسىندا كوشىپ بارعان ازاماتتارعا كەزەكسىز ءوز شارۋاشىلىعىن جۇرگىزۋگە 20 گەكتارعا دەيىن جەر بەرۋ ماسەلەسى تۇر. بۇرىن قانداستار سولتۇستىككە كوشىپ بارسا، كەزەكسىز جەكە شارۋاشىلىق، 20-40 سوتىق جەر نەمەسە 1 گەكتارعا دەيىن جەر بەرەتىنبىز. ەندى شارۋا قوجالىعىن جۇرگىزۋگە 20 گەكتار جەر بەرىلەدى. ءبىرىنشى 5 جىلدا جەر جالعا بەرىلەدى، 5 جىلدا ءوزى ويلاعان مەجەگە جەتەمىن دەپ جۇمىس ىستەسە وندا جەر 49 جىلعا جالعا بەرىلەدى. زاڭعا ەنگىزىلەتىن وزگەرىس 2023-جىلى كۇشىنە ەنەدى»، - دەدى ءى. يسپانوۆ.