كەشكى ساعات 20:15 شاماسىندا استانا- پاۆلودار رەسپۋبليكالىق تاسجولىن پاترۋلدەۋ بارىسىندا «قازاۆتوجول» قىزمەتكەرلەرى جولدىڭ شەتىندە بۇزىلىپ تۇرعان اۆتوبۋستى بايقادى.
جۇرگىزۋشى استانادا سپورت تۋرنيرىنە قاتىسقان 20 بالانى قايتا وسكەمەنگە اپارا جاتتى.
جولشىلار كولىك جۇرگىزۋشىسىنە كومەك كورسەتىپ، ونى ەڭ جاقىن تەحنيكالىق قىزمەت كورسەتۋ ستانسياسىنا اپاردى.
ولار اۆتوبۋستىڭ ىستەن شىققان قوسالقى بولشەگىن جوندەدى. بالالار بولسا جولشىلاردىڭ باقىلاۋىندا بولدى. اۆتوبۋستا اۆتونومدى جىلىتۋ جۇيەسى جۇمىس ىستەپ تۇردى.
جوندەلگەن كولىك جۇرگىزۋشىسى ساپارىن جالعاستىردى. جۇرگىزۋشى جولاۋشىلارعا كورسەتكەن كومەگى ءۇشىن العىس ايتتى.
ەستەرىڭىزگە سالا كەتەيىك، رەسپۋبليكالىق تاسجولدا شتاتتان تىس جاعداي تۋىنداسا، كولىك يەلەرى 1403 قىسقا ءنومىرى بويىنشا قازاۆتوجولدىڭ تاۋلىك بويى جۇمىس ىستەيتىن call-ورتالىعىنا حابارلاسا الادى.