الداعى كۇندەرى 20 گرادۋسقا دەيىن اياز بولادى - قازگيدرومەت

استانا. قازاقپارات - قازگيدرومەت الداعى ءۇش كۇنگە ارنالعان اۋا رايى بولجامىن جاريالادى، دەپ حابارلايدى قازاقپارات.

«الداعى تاۋلىكتەردە ەلدىڭ سولتۇستىگىندە، ورتالىعىندا، وڭتۇستىگىندە قاتتى جاۋىن-شاشىن (جاڭبىر، قار) بولجانادى.

رەسپۋبليكا بويىنشا بۇرقاسىن، كوكتايعاق، تۇمان، قاتتى ەكپىندى جەل 15-28 م/س جىلدامدىقپەن سوعادى.

اپتانىڭ سوڭىندا سولتۇستىك-باتىس انتيتسيكلونىنىڭ ەنۋىمەن جاۋىن-شاشىننىڭ توقتاۋى جانە تەمپەراتۋرا فونى تومەندەيدى دەپ كۇتىلۋدە. اۋا تەمپەراتۋراسى تۇندە سولتۇستىك، سولتۇستىك-باتىس، شىعىس جانە ورتالىقتا 10-20 گرادۋس ايازعا، ال وڭتۇستىك، وڭتۇستىك-شىعىستا 2-10 اياز، تاۋلى ايماقتاردا 10-15 گرادۋس اياز بولادى»، - دەلىنگەن حابارلامادا.