قازىر ماماندار پروتسەسس اشىق بولۋ ءۇشىن تەك ونلاين ءوتىنىم قابىلدايتىن ارنايى پورتالدىڭ جۇمىسىن تەكسەرىپ جاتىر. ءوتىنىم بەرۋ الگوريتمى كەيىنىرەك بەلگىلى بولادى.
بۇل جولى اۆتونەسيە بۇرىن بەرىلگەن نەسيە قايتارىمىنان تۇسكەن قاراجات ەسەبىنەن بەرىلەدى.
«سوندىقتان بۇل جولى كوپ ءوتىنىم قابىلدانبايدى. قاراجات تاۋسىلعان سوڭ پورتال جابىلادى دا، ءبىر ايدان كەيىن قايتا قوسىلادى. ول اشىلاتىن كۇندى وپەراتور الدىن الا حابارلايدى»، - دەلىنگەن باسىلىم حابارلاماسىندا.
2022-جىلعى 1- قىركۇيەككە دەيىن بانكتەر 13307 نەسيە ماقۇلداپ، 11 مىڭ اۆتوموبيلدىڭ كىلتىن يەلەرىنە بەرگەنىن ايتقان. اقشانىڭ ريەۆولۆەرلىك جولمەن قايتۋى جىل سايىن 7.7 ميلليون تەڭگەلىك — 1858 اۆتو، 10 ميلليون تەڭگە تۇراتىن 1430 ماشينا الۋعا مۇمكىندىك بەرەدى. وسىلايشا 30 جىلدا ەلىمىزدە 60 مىڭعا جۋىق اۆتوكولىك جاڭارادى.
ەسكە سالايىق، يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ اۆتونەسيە باعدارلاماسىمەن 2023-جىلى 2 مىڭ كولىك ساتۋ جوسپارلانىپ وتىرعانىن مالىمدەگەن بولاتىن.