الداعى تاۋلىكتە ەلدىڭ سولتۇستىگىندە كۇن 20 گرادۋسقا دەيىن جىلى بولادى
14:03, 10 - قازان 2022
استانا. قازاقپارات - قازگيدرومەت الداعى 3 كۇنگە ارنالعان اۋا رايى بولجامىن جاريالادى، دەپ حابارلايدى قازاقپارات.
ەۋروپالىق انتيتسيكلوننىڭ اسەرىنەن جاڭا جۇمىس اپتاسىنىڭ باسىندا قازاقستان اۋماعىندا جاۋىن- شاشىننىڭ توقتاۋى جانە كۇندىزگى تەمپەراتۋرانىڭ جوعارىلاۋى بولجانادى.
ەلدىڭ باتىسىنا قارا تەڭىز اۋداندارىنان تاعى ءبىر سيكلون جىلجۋىمەن بۇلتتى جانە جاڭبىرلى اۋا- رايى كۇتىلەدى.
قازاقستاننىڭ سولتۇستىگىندە جانە ورتالىعىندا تەرمومەترلەردىڭ باعاندارى كۇندىزگى ۋاقىتتا 15 گرادۋس جىلىعا دەيىن، شىعىستا 13-18 گرادۋس جىلىعا دەيىن جانە وڭتۇستىكتە 20-25 گرادۋس جىلىعا دەيىن جوعارىلايدى، ال ەلدىڭ باتىسىندا اۋا تەمپەراتۋراسىنىڭ 10-18 گرادۋس جىلىعا دەيىن بىرتىندەپ تومەندەۋى كۇتىلەدى.