اباي وبلىسىنداعى ورمان اۋماعىنان شىققان ءورت 20 گەكتار اۋماقتى شارپىدى
22:48, 21 - ماۋسىم 2022
سەمەي. قازاقپارات - اباي وبلىسىنداعى ورمان اۋماعىندا شىققان ءورت 20 گەكتارعا جايىلدى، دەپ حابارلايدى قازاقپارات ءتىلشىسى.
ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءورت 21 -ماۋسىمدا ساعات 18:45 تە بەسقاراعاي اۋدانى جەتىجار اۋىلىنان 30 شاقىرىمداي جەردە شىققان. «سەمەي ورمانى» مەملەكەتتىك ورمان تابيعي رەزەرۆاتى دولون فيليالىنىڭ اۋماعىندا ءورت بولدى. شامامەن 20 گەكتار اۋماقتا ءشوپ پەن اعاش ورتەنۋدە. ەلدى مەكەندەرگە قاۋىپ ءتونىپ تۇرعان جوق»، - دەلىنگەن اقپاراتتا.
قازىرگى ۋاقىتتا ءتىلسىز جاۋمەن دەپارتامەنتتىڭ 11 قىزمەتكەرى، 30 ورمانشى مەن 14 تەحنيكا كۇرەسۋدە. سونداي- اق سەمەي قالاسىنان 18 ادام مەن 4 ءورت ءسوندىرۋ كولىگى كومەككە كەلە جاتىر.