كومىرقىشقىل گازى شىعارىندىسى بويىنشا قازاقستان الەمدە 20-ورىندا
بۇل تۋرالى ق ر ەكولوگيا، گەولوگيا جانە تابيعي رەسۋرستار مينيسترلىگى كليماتتىق ساياسات جانە جاسىل تەحنولوگيالار دەپارتامەنتىنىڭ ديرەكتورى ولجاس اعابەكوۆ ءمالىم ەتتى، دەپ حابارلايدى قازاقپارات ءتىلشىسى.
«دەكاربونيزاتسيا ترەندتەرى وزەكتى. بۇگىندە ينۆەستيتسيالىق قورلار مەن ءىرى قارجى ينستيتۋتتارىنىڭ كوپشىلىگى جاسىل تەحنولوگياعا كوشىپ، وتىن، كومىر قازبا تۇرلەرىمەن بايلانىستى جوبالاردان تولىق باس تارتتى. قازىرگى ۋاقىتتا 130 دان استام ەل كومىرتەكتى بەيتاراپتىققا قول جەتكىزۋ ماقساتىن جاريا ەتتى. الەمدەگى زياندى شىعارىندىلاردىڭ � ەنەرگيا وندىرۋمەن بايلانىستى. اتالعان سالا كليماتتىڭ وزگەرۋىنە تەرىس اسەرىن تيگىزەدى»، - دەدى ولجاس اعابەكوۆ ەلوردادا ءوتىپ جاتقان XII حالىقارالىق تاۋ-كەن مەتاللۋرگيا كونگرەسى بارىسىندا.
سونداي-اق اتالعان شارا بارىسىندا كومىرتەكتى رەتتەۋ، قازاقستاننىڭ ەنەرگيا جۇيەسىن ترانسفورماتسيالاۋ ماسەلەسى دە تالقىلاندى.
«قازاقستان كومىرقىشقىل گازىنىڭ شىعارىندىلارى بويىنشا 221 ەلدىڭ ىشىندە 20-ورىندا، ال جان باسىنا شاققاندا 10-ورىندا. 2020 -جىلى پارنيكتىك گازدار شىعارىندىلارى 351 ميلليون توننا СО2 (كومىرقىشقىل گازى) ەكۆيۆالەنتىن قۇرادى. العا قويعان ماقساتقا ساي ءبىز 2030-جىلعا قاراي كومىرقىشقىل گازىنىڭ شىعارىندىلارىن 324 ميلليون تونناعا دەيىن ازايتۋ قاجەتپىز. قازاقستاننىڭ دەكاربونيزاتسيا ترەندىنە قوسىلۋ جوسپارى بارىن ەسكەرۋ كەرەك. ودان بولەك، مەملەكەت باسشىسى 2060-جىلعا قاراي كومىرتەگى بەيتاراپتىعىنا قول جەتكىزۋ تۋرالى مالىمدەدى»، - دەيدى ول.
سپيكەردىڭ مالىمەتىنشە، ەنەرگەتيكا سالاسىنىڭ تۇجىرىمداماسىنا سايكەس 2035-جىلعا قاراي ەلىمىزدە 5 گ ۆ ت- تان استام ەلەكتر ەنەرگياسى جاڭارتىلاتىن ەنەرگيا كوزدەرى ەسەبىنەن وندىرىلەدى.
«بۇل پارنيكتىك گاز شىعارىندىلارىن ازايتۋ، اۋىستىرۋ جانە قازبا وتىنىنا بايلانىستى گەنەراتسيانى بىرتىندەپ الماستىرۋ ءۇشىن ماڭىزدى قۇرال. ءبىز پارنيكتىك گاز شىعارىندىلارىن مەملەكەتتىك رەتتەۋ جۇيەسىمەن ساۋدا جۇيەسىن ينتەگراتسيالاۋعا كىرىسۋدى جانە ەۋروپالىق جۇيەگە ساي ينتەگراتسيالاۋدى جوسپارلاپ وتىرمىز. 2026-جىلدان باستاپ ەۋروكوميسسيانىڭ ۇسىنىسىنا سايكەس پارنيكتىك گاز شىعارىندىلارى ءۇشىن تولەم الىناتىن بولادى»، - دەپ تولىقتىردى و. اعابەكوۆ.
بۇعان دەيىن Kazakhmys كورپوراتسياسىنىڭ جەزقازعانداعى قۇيۋ-مەحانيكالىق زاۋىتىن جاڭعىرتۋعا 10 ميلليون دوللار باعىتتايتىنى تۋرالى حابارلاعان ەدىك.
ايتا كەتسەك، ەلوردادا XII حالىقارالىق تاۋ-كەن مەتاللۋرگيا كونگرەسى ءوتىپ جاتىر.