قاسىم- جومارت توقايەۆ «بۇل ساندى قۇقىق قورعاۋ ورگاندارىنىڭ بۇرىنعى باسشىلارى ۇسىندى» دەدى. سوسىن مۇنداي قاسىرەتتى وقيعا ەندى قايتالانبايدى دەپ قاداپ ايتتى.
قاسىم- جومارت توقايەۆ، قازاقستان رەسپۋبليكاسىنىڭ پرەزيدەنتى:
- 5 جارىم مىڭ ءىس قوزعالدى. ونىڭ 500- ءى سوتقا جولداندى. تەك 23 ازامات قانا ناقتى مەرزىمگە سوتتالدى. بۇل قاڭتار وقيعاسى تىڭعىلىقتى زەردەلەنىپ، تەرگەلىپ جاتىر دەگەن ءسوز. مۇنداي قاسىرەتتى وقيعا ەندى قايتالانبايدى. مۇنىڭ كەپىلى بۇگىنگى رەفەرەندۋم. قازا بولعانداردىڭ تىزىمىنە قاتىستى ايتسام، ول جاريالانادى. وسىعان بايلانىستى، ارينە، ءبىز قايعىرىپ، كوڭىل ايتامىز. ازاماتتارعا قارسى اقتاۋعا كەلمەيتىن ارەكەتتەرگە بارعان اسكەري قىزمەتشىلەردىڭ ءبارى جاۋاپكەرشىلىككە تارتىلاتىنى تۇسىنىكتى. تەرگەۋ ءجۇرىپ جاتىر، بالليستيكالىق ساراپتامالار ءوتىپ جاتىر. سوندىقتان ءبارى ايقىندالادى.
www.24.kz