الداعى تاۋلىكتەردە كۇن 20 گرادۋسقا دەيىن جىلىنادى
ناۋرىزدىڭ سوڭعى كۇندەرىندە سولتۇستىك- باتىس سيكلوننىڭ جىراسى قۇبىلمالى اۋا رايىن قالىپتاستىرادى.
وسىلايشا رەسپۋبليكانىڭ بارلىق اۋماعىندا جاۋىن- شاشىندى بولادى. 29-ناۋرىزدا سولتۇستىكتە، سولتۇستىك- باتىستا، ورتالىقتا، وڭتۇستىك پەن وڭتۇستىك- شىعىستىڭ تاۋلى اۋداندارىندا. ال 30-ناۋرىزدا تەك ەلدىڭ شىعىسىندا عانا قاتتى جاۋىن-شاشىن (جاڭبىر، قار) كۇتىلەدى.
رەسپۋبليكا بويىنشا تۇمان، كوكتايعاق بولجانادى، جەل 15-28 م/س دەيىن كۇشەيەدى، سولتۇستىك پەن وڭتۇستىكتە بولسا جەلدىڭ ەكپىنى تىپتەن 30 م/س دەيىن جانە ودان دا كوپ بولماق، سولتۇستىكتە، شىعىستا، ەلدىڭ ورتالىعىندا بۇرقاسىن بايقالادى.
اۋا تەمپەراتۋراسىنىڭ بىرتىندەپ كوتەرىلۋى كۇتىلەدى: تۇندە رەسپۋبليكانىڭ سولتۇستىك جارتىسىندا مينۋس 6 جانە پليۋس 2 گرادۋس بولادى. وڭتۇستىك جارتىسىندا اۋا تەمپەراتۋراسىنىڭ 5 گرادۋس سۋىق 5 گرادۋس جىلى تەمپەراتۋرا بولجانادى. كۇندىز ەلدىڭ باتىسىندا، وڭتۇستىك- باتىسىندا جانە وڭتۇستىگىندە اۋا تەمپەراتۋراسى 10-20 گرادۋسقا، سولتۇستىگىندە 2-8 جىلۋعا دەيىن كوتەرىلۋى، شىعىسى مەن ورتالىعىندا 3-11 گرادۋس جىلى بولۋى ىقتيمال.