كوللەدجدەرگە وقۋ پاندەرىنىڭ 20 پايىزىن قاشىقتان وتكىزۋگە رۇقسات بەرىلەدى
19:48, 27 - تامىز 2021
نۇر- سۇلتان. قازاقپارات - كوللەدجدەرگە وقۋ پاندەرىنىڭ 20 پايىزىن قاشىقتان وتكىزۋگە رۇقسات بەرىلەدى.
بۇل تۋرالى ق ر ءبىلىم جانە عىلىم ۆيتسە- ءمينيسترى شولپان كارينوۆا ءمالىم ەتتى، دەپ حابارلايدى قازاقپارات ءتىلشىسى.
«ەلىمىزدىڭ 795 كوللەدجىندە 470 مىڭعا جۋىق ستۋدەنت ءبىلىم الاتىن بولادى. 1 - كۋرستارعا 150 مىڭنان استام ستۋدەنت كەلەدى دەپ كۇتىلۋدە. كوللەدجدەردىڭ جوبالىق قۋاتتىلىعى وقۋدى شتاتتىق فورماتتا جۇرگىزۋگە تولىق مۇمكىندىك بەرەدى. سونىمەن قاتار وقۋ پاندەرىنىڭ 20 پايىزىن قاشىقتان وتكىزۋگە رۇقسات ەتىلەدى»، - دەدى ول ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.
ونىڭ ايتۋىنشا، كوللەدجدەردە زەرتحانالىق، پراكتيكالىق ساباقتار جانە وندىرىستىك پراكتيكا شتاتتىق رەجيمدە وتكىزىلەتىن بولادى.
اۆتور: مارلان جيەمباي