«وزدەرىڭىزدە بىلەتىندەي، ۆاكسينا قاي ۋاقىتتا جەتكىزىلەتىندىگىنە قاتىستى قازاقستاننىڭ ءاربىر ءوڭىرى بويىنشا ناقتى كەستە بار. كۇنى كەشە عانا باتىس قازاقستانعا ۆاكسينا جەتكىزىلدى جانە كۇن سايىن، ەكى كۇندە ءبىر رەت جاڭا پارتياسى جەتكىزىلىپ وتىرادى. سوندىقتان ايتارلىقتاي تاپشىلىق ورىن الا قويماۋى كەرەك. ەڭ باستىسى، ازاماتتارىمىز ۆاكتينانىڭ قاۋىپسىز، ءتيىمدى ەكەندىگىنە كوز جەتكىزدى. ول انتيدەنە ءتيترىن كوتەرەتىندىگىن كوردى جانە تۋعان- تۋىستارىنا ءوزىن، جاقىندارىن قورعاۋ ءۇشىن ۆاكسيناتسيادان وتۋگە كەڭەس بەرۋدە»، - دەدى الەكسەي سوي ۆاكسينادان كەيىن «حابار 24» تەلەارناسى تىلشىسىنە بەرگەن سۇحباتىندا.
ونىڭ دەرەگىنشە، بۇگىندە ءاربىر 20- قازاقستاندىق ۆاكسينا الدى. ياعني، ۆاكسيناتسيا قارقىنى جاقسى ءوتىپ جاتىر.
«ءبىزدىڭ مىندەتىمىز - مۇمكىندىك بەرۋ. ال ودان كەيىن ازاماتتار ۆاكسينا الۋدى وزدەرى تاڭداپ، وقشاۋلانۋدان شىعۋدىڭ جالعىز جولى سول ەكەندىگىن ءتۇسىنىپ وتىر» - دەدى دەنساۋلىق ساقتاۋ ءمينيسترى.
ەسكە سالايىق، بۇگىن، 26 -ساۋىردە حالىقتى كوروناۆيرۋسقا قارسى QazVac ۆاكتسيناسىمەن ەگۋ باستالدى. دەنساۋلىق ساقتاۋ ءمينيسترى الەكسەي تسوي العاشقىلاردىڭ ءبىرى بولىپ وتاندىق ۆاكسينامەن ەكپە الدى.