مۇنداي ەسكەرتۋدى ب ۇ ۇ- نىڭ ازىق- تۇلىك ماسەلەلەرىمەن اينالىساتىن ەكى مەكەمەسى جاسادى، دەپ حابارلايدى قازاقپارات ب ۇ ۇ جاڭالىقتار ورتالىعىنا سىلتەمە جاساپ.
يەمەن، وڭتۇستىك سۋدان جانە نيگەريا سولتۇستىگىنىڭ تۇرعىندارى ءۇشىن اشتىق باستالدى دەلىنگەن بىرىككەن ۇلتتار ۇيىمىنىڭ دۇنيەجۇزىلىك ازىق- تۇلىك باعدارلاماسى جانە ازىق- تۇلىك جانە اۋىلشارۋاشىلىق ۇيىمىنىڭ دايىنداعان بايانداماسىندا.
اشتىق قاۋپىنە تاپ بولعان ەلدەردىڭ كوبىنىڭ افريكادا ورنالاسقانىمەن، بۇل پروبلەما باسقا وڭىرلەرگە دە قاتىستى بولىپ وتىر: ازياداعى اۋعانستان، تاياۋ شىعىستاعى سيريا مەن ليۆان، لاتىن امەريكاسىنداعى گايتي - وسى جانە باسقا مەملەكەتتەرگە حالىقارالىق قاۋىمداستىقتىڭ كومەگى اسا قاجەت. ماماندار 34 ميلليون ادام «ولىمگە ءبىر قادام جەردە» تۇرعانىن ايتۋدا.
«ومىرلەردى ساقتاپ قالىپ، تۇرعىنداردىڭ تابىس كوزدەرىن ساقتاپ قالۋ جانە جاعدايدىڭ ودان ءارى ناشارلاۋىنا جول بەرمەۋ ءۇشىن شارالار قولدانۋ - ءبىزدىڭ ورتاق پارىزىمىز»، - دەپ اتاپ ءوتتى ب ۇ ۇ ازىق- تۇلىك جانە اۋىلشارۋاشىلىق ۇيىمىنىڭ باس ديرەكتورى سيۋي دۋنيۋي.
ونىڭ ايتۋىنشا، اشتىقتى الدىن الۋ ءۇشىن شۇعىل حالىقتىڭ وسال توپتارىنا گۋمانيتارلىق كومەك كورسەتىپ، قاجەت دەپ بولجانعان 5,5 ميلليارد دوللاردى جيناۋ قاجەت.
اۆتور: زارينا تۋعانبايەۆا