بۇل تۋرالى سايلاۋدى بەيپارتيالىق بايقاۋ ورتالىعىنىڭ باسشىسى بانۋ نۇرعازيەۆا ايتتى، دەپ حابارلايدى قازاقپارات ءتىلشىسى.
«بۇگىن ساعات 07:00 دەن باستاپ رەسپۋبليكا بويىنشا 9559 سايلاۋ ۋچاسكەسى اشىلىپ، ءبىزدىڭ بايقاۋشىلار جۇمىسىن باستادى. بايقاۋشىلاردى 2020-جىلدىڭ 1- قاڭتارىنان باستاپ دايىندادىق. بارلىق وڭىردە ەڭ تانىمال ترەنەرلەر ونلاين جانە وفلاين ترەنينگ، سەمينارلار وتكىزدى، سونداي-اق ورتالىق سايلاۋ كوميتەتىنىڭ وكىلدەرىن دە تارتتىق. بايقاۋشىلار قۇرامىىنا ق ر كاسىپوداقتار فەدەراتسياسى، قازاقستاننىڭ ازاماتتىق اليانسى جانە 2000 نان استام ۇكىمەتتىك ەمەس ۇيىمى بار. بايقاۋشىلاردىڭ جالپى سانى - 19650»، - دەيدى سايلاۋدى بەيپارتيالىق بايقاۋ ورتىلىعىنىڭ باسشىسى بانۋ نۇرعازيەۆا.
سونىمەن قاتار، نۇرلان وتەشوۆ ق ر كاسىپوداقتار فەدەراتسياسى ءتوراعاسىنىڭ ورىنباسارى نۇرلان وتەشوۆ بايقاۋشىلاردىڭ قالاي جۇمىس ىستەيتىنىن ايتتى.
«ساعات 09:00 دە رەسپۋبليكالىق شتابىمىز وبلىستىق شتابتاردان اقپارات جيناپ قويدى. سايلاۋ ۋچاسكەلەلەرىندە بايقاۋشىلار ءارتۇرلى نۇسقادا جۇمىس ىستەيدى. مىسالى، ءبىر سايلاۋ ۋچاسكەسىندە ءبىر بايقاۋشى كۇنى بويى جۇمىس ىستەسە، تاعى ءبىر سايلاۋ ۋچاسكەسىندە تۇسكە دەيىن ءبىر بايقاۋشى، تۇستەن كەيىن ءبىر بايقاۋشى بولادى، كەيبىر سايلاۋ ۋچاسكەسىندە ءۇش بايقاۋشىدان بار. ازىرگە سايلاۋ پروتسەسىنە اسەر ەتەتىن بۇزۋشىلىقتار انىقتالعان جوق. ەكى ساعات سايىن اقپارات تاراتىپ وتىرۋعا دايىنبىز»، - دەيدى ول.