تۇندە قازاقستان اۋماعىنىڭ ورتالىق جانە شىعىس بولىگىنە سيكلون ىقپال ەتەدى. سالدارىنان كەي جەرلەردە قار جاۋادى، وڭتۇستىكتە - جاۋىن- شاشىن، تۇندە قاتتى جاۋىن- شاشىن (جاڭبىر، قار) بولادى.
كۇندىز سيكلون سولتۇستىك- شىعىسقا قاراي جىلجىپ، ەلدىڭ باسىم بولىگىنە سولتۇستىك- باتىس انتيتسيكلونى اسەر ەتە باستايدى. وسىعان بايلانىستى باتىس اۋدانداردا جاۋىن- شاشىن جاۋمايدى.
رەسپۋبليكانىڭ كەي جەرلەرىندە تۇمان ءتۇسىپ، جەل كۇشەيەدى، جاياۋ بۇرقاسىن كوتەرىلىپ، كوكتايعاق بولادى.
جامبىل وبلىسىنىڭ كەي جەرلەرىندە تۇمان تۇسەدى، كوكتايعاق بولىپ، بوران سوعادى. جەلدىڭ كۇشى - 15-20 م/س، تۇندە جانە تاڭەرتەڭ - 23-28 م/س.
الماتى وبلىسىنىڭ كەي جەرلەرىندە تۇمان تۇسەدى، تۇندە جالاڭاشكول اۋدانىندا جەل قارقىنى 18-23 م/س دەيىن كۇشەيەدى.
كۇندىز كەي جەرلەردە كوكتايعاق بولادى. اقمولا، قاراعاندى وبلىستارىنىڭ كەي جەرلەرىندە جاياۋ بۇرقاسىن سوعىپ، تۇمان تۇسەدى. جەل ەكپىنى 15-20 م/س دەيىن كۇشەيەدى.
پاۆلودار، تۇندە سولتۇستىك قازاقستان، قوستاناي وبلىستارىنىڭ كەي جەرلەرىندە جاياۋ بۇرقاسىن سوعادى، جەل جىلدامدىعى 15-20 م/س جەتەدى.
شىعىس قازاقستان وبلىسىنىڭ كەي جەرلەرىندە بۇرقاسىن سوعادى، تۇمان تۇسەدى. جەل قارقىنى - 15-20 م/س، جارما اۋدانىندا - 23 م/س.
تۇركىستان، ماڭعىستاۋ، اتىراۋ وبلىستارىنىڭ كەي جەرلەرىندە تۇمان ءتۇسىپ، كوكتايعاق بولادى. تۇركىستان وبلىسىندا جەلدىڭ كۇشى -15-20 م/س.
قىزىلوردا وبلىسىنىڭ كەي جەرلەرىندە كوكتايعاق، تۇندە جانە تاڭەرتەڭ جەل ەكپىنى 15-20 م/س جەتەدى. باتىس قازاقستان وبلىسىنىڭ كەي جەرلەرىندە تۇمان تۇسەدى.