گولوۆكيننىڭ بۇرىنعى قارسىلاسى 20 جىلعا باس بوستاندىعىنان ايىرىلۋى مۇمكىن
ورتا سالماقتا الەم چەمپوندىعى اتاعىنا ۇمىتكەر بولعان امەريكالىق بوكسشى دومينيك ۋەيد ءۇش قىلمىستىق ءىس بويىنشا قاماۋعا الىندى. بۇل تۋرالى Boxingscene.com پورتالى حابارلايدى.
بوكسشىعا قىز زورلادى دەگەن ايىپ تاعىلىپ وتىر. ەگەر سپورتشى بۇل ءىس بويىنشا كىنالى دەپ تانىلسا، 20 جىلعا باس بوستاندىعىنان ايىرىلۋى مۇمكىن.
دەرەككوزدىڭ اقپاراتى بويىنشا، قىلمىس 23- شىلدە كۇنى جاسالعان. بوكسشى قاماۋ تۋرالى رۇقسات قاعازىن چارلز وكرۋگىنىڭ شەريفى 28- تامىز كۇنى شىعارىلىپ، 8- قىركۇيەك كۇنى ۋەيدگە بەرىلگەن. سودان سوڭ بوكسشى قاماۋعا الىنعان.
بۇل ىسكە قاتىستى ءبىرىنشى وتىرىس 6- قازان كۇنى وتەدى.
ايتا كەتەيىك، ۋەيد بۇعان دەيىن ءوزىنىڭ بالاسىنىڭ اناسىنا زورلىق-زومبىلىق كورسەتكەنى ءۇشىن جاۋاپقا تارتىلعان.
2016-جىلى امەريكالىق بوكسشى وتانداسىمىز گەننادي گولوۆكيننىڭ قارسىلاسى بولعان ەدى. جەكپە-جەك لوس-اندجەلەس قالاسىندا ءوتىپ، قازاقستاندىق بوكسشى ەكىنشى راۋندتا نوكاۋتپەن جەڭىسكە جەتكەن.