ەستە قالار وقيعالار
1963-جىلى الماتى حالىق شارۋاشىلىعى ينستيتۋتى قۇرىلدى. ول رەسپۋبليكاعا قاجەتتى جوعارى بىلىكتى ەكونوميستەردى دايارلاۋ پروبلەماسىن ۇتىمدى شەشتى. العاشقى جىلدارى ينتيتۋتتىڭ ءۇش فاكۋلتەتى، كۇندىزگى جانە سىرتتاي وقۋ بولىمدەرى بولدى.
1994 -جىلى استانادا «قازاقتاردىڭ تاريحي-كوركەم مۇراسى» اتتى ءبىرىنشى ۇلتتىق مۋلتيمەديالىق وقىتۋ باعدارلاماسىنىڭ تۇساۋكەسەر ءراسىمى ءوتتى. وقۋلىقتىڭ كومپيۋتەرلىك ۇلگىسى بەلگىلى عالىم ە. ارىننىڭ باستاماسىمەن جۇزەگە استى.
1996 -جىلى ش. ايمانوۆ اتىنداعى «قازاق فيلم» كينوستۋدياسى ەكىگە ءبولىنىپ، ش. ايمانوۆ اتىنداعى قازاق كينوفابريكاسى جانە ق ر ۇلتتىق پروديۋسەرلىك ورتالىعى قۇرىلدى.
2003 -جىلى ەلباسى ن. نازاربايەۆتىڭ قولداۋىمەن «اق جاۋىن» مەملەكەتتىك كامەرالىق وركەسترى قۇرىلدى. شىعارماشىلىق ۇجىمنىڭ العاشقى كونسەرتى 2004-جىلعى ناۋرىزدىڭ 21 ىندە كونگرەسس-حولل ساحناسىندا ءوتتى.
وركەستردىڭ كوركەمدىك جەتەكشىسى جانە باس ديريجەرى ق ر- نىڭ ەڭبەك سىڭىرگەن ءارتىسى، قازاقستان جاستار وداعى سىيلىعىنىڭ لاۋرەاتى، تانىمال كومپوزيتور سەكەن تۇرىسبەكوۆ.
2004 -جىلى رەسەيدىڭ مەملەكەتتىك قىزمەت اكادەمياسىندا قازاقستاندىق «SHYGYS» جۋرنالىنىڭ تانىستىرىلىمى ءوتتى.
2007 -جىلى پەتروپاۆلدا قازاقستاندىق اتاقتى ۆەلوشاباندوز، سيدنەي وليمپياداسىنىڭ كۇمىس جۇلدەگەرى، «تۋر دە فرانس» الەمدىك ۆەلوجارىسىنىڭ قولا جۇلدەگەرى، قازاقستاننىڭ ەڭبەك سىڭىرگەن سپورت شەبەرى الەكساندر ۆينوكۋروۆكە سولتۇستىك قازاقستاننىڭ قۇرمەتتى ازاماتى كۋالىگى تابىس ەتىلدى.
2006 -جىلدىڭ قىركۇيەك ايىندا، وبلىستىڭ 60 جىلدىعى اتاپ وتىلگەن شارالار اياسىندا، وبلىستىق ءماسليحات سەسسياسىنىڭ شەشىمىمەن ا. ۆينوكۋروۆ توعىز ادامنىڭ قاتارىندا «سولتۇستىك قازاقستاننىڭ قۇرمەتتى ازاماتى» اتاعىنا لايىق دەپ تانىلعان بولاتىن.
2010 -جىلى «قازپوشتا» ا ق رەسپۋبليكانىڭ كونستيتۋتسيا كۇنىنە ارنالعان مەرەيتويلىق پوچتا ماركاسىن اينالىمعا شىعاردى.
2012 -جىلى «الماتى» ۆەلوكلۋبىنا وليمپيادا چەمپيونى الەكساندر ۆينوكۋروۆتىڭ ەسىمى بەرىلدى.
2012 -جىلى قازاقستان سولومون ارالدارىمەن ديپلوماتيالىق قاتىناس ورناتتى.
2012 -جىلى ۆاشينگتونداعى سميتسون ينستيتۋتىنىڭ فريەر جانە ساكلەر گالەرەيالارىندا «كوشپەندىلەر جانە ولاردىڭ بايلانىستارى: قازاقستاننىڭ كونە مادەنيەتى مەن ونەرى» اتتى كورمەنىڭ رەسمي اشىلۋ سالتاناتى ءوتتى.
2013 -جىلى قازاقستان دەلەگاتسياسى گونكونگ قالاسىنداعى جىل سايىنعى «Wikimania-2013» حالىقارالىق كونفەرەنتسياسىنىڭ جۇمىسىنا قاتىستى.
2013 -جىلى پاۆلودار وبلىسى اقتوعاي اۋدانى ءابجان اۋىلىندا XVIII عاسىردىڭ كورنەكتى تۇلعاسى، ورتا ءجۇز بيلەۋشىسى سۇلتانبەك سۇلتان مەن ونىڭ ۇرپاقتارى يمان مەن جانتەمىرگە سالتاناتتى تۇردە مازار اشىلدى.
2015 -جىلى قازاقستاندا العاش رەت، جامبىل وبلىسىنداعى «وتار» 40-ىنشى اسكەري بازاسىندا «جاۋىنگەرلىك دوستاستىق» اتتى حالىقارالىق كونكۋرس وتكىزىلدى. وندا قازاقستان، ارمەنيا، بەلارۋس، قىرعىزستان، رەسەي فەدەراتسياسى جانە تاجىكستاننىڭ اسكەري قىزمەتشىلەرى التى كونكۋرس بويىنشا جارىسقا ءتۇستى.
جارىس بارىسىندا قازاقستان ارمياسىنىڭ اسكەري قىزمەتشىلەرى بارلىق سايىستاردان وق بويى وزىپ العا شىقتى. ەكىنشى ورىندا - بەلارۋس رەسپۋبليكاسىنىڭ كومانداسى، ءۇشىنشى - رەسەي فەدەراتسياسى.
2016 -جىلى قازاقستان- قىتاي شەكاراسىندا «قورعاس» شەكارا ماڭى ىنتىماقتاستىعى حالىقارالىق ورتالىعى رەسمي تۇردە ءوز جۇمىسىن باستادى.
2016 -جىلى الماتىداعى دۇنيەجۇزىلىك 28-قىسقى ۋنيۆەرسيادا-2017 مەدالىنىڭ ديزاينى بەكىتىلدى.
2018 -جىلى چۋنتسىن قالاسىندا (قىتاي) وتكەن CASTIC-2018 (The 33 China adolescents science technology innovation contest) عىلىمي جەتىستىكتەرىنە يە جاس وسپىرىمدەردىڭ عىلىمي-تەحنيكالىق يننوۆاتسيالار بايقاۋىندا قازاقستاندىق ليۋبوۆ دۋدچەنكو ءبىرىنشى ورىن يەلەندى.
جەرلەسىمىز بايقاۋ دەمەۋشىلەرىنىڭ تاعى ەكى ارناۋلى اتالىمدارىن - گاو شيچي اتىنداعى قوردىڭ اقشالاي سىيلىعىن جانە چۋنتسىن قالاسىنداعى كومپانيانىڭ اقشالاي سىيلىعىن جەڭىپ الدى.