تەستىلەۋ ناتيجەسى COVID-19 تۋىنداۋىنا اكەلەتىن ءەريتروتسيتتىڭ كولەمىن كورسەتەدى. ول ءۇشىن قان ۇلگىسىنەن 25 ميكروليتر پلازما الىنادى. سونداي- اق ماماندار بۇل تەست ادامنىڭ كوروناۆيرۋسپەن بۇرىن اۋىرعان، اۋىرماعانىن دا انىقتاي الادى. ەگەر بۇل جوبا ماقۇلدانسا، ساعاتىنا 100 ادام تەست تاپسىرۋىنا بولادى.
سايمون كورري، موناشا ۋنيۆەرسيتەتىنىڭ اعا وقىتۋشىسى:
- ەگەر قولىمىزدان كەلسە، بۇل ويىننىڭ باعىتىن وزگەرتۋگە بولادى. سەبەبى زەرتحاناعا بارىپ، ۇزاق ۋاقىت الاتىن انتيدەنەگە تەست تاپسىرۋدىڭ قاجەتى بولمايدى.
بۇگىن وسى اۆستراليانىڭ جاڭا وڭتۇستىك ۋەلس شتاتىندا بيلىك وكىلدەرى تۇرعىندارعا ءان ايتىپ، بي بيلەۋگە، قوعامدىق شارالارعا قاتىسۋعا تىيىم سالدى. وعان كورشىلەس ۆيكتوريا شتاتىندا COVID-19-دى جۇقتىرعاندار سانىنىڭ ارتۋى سەبەپ بولعان. ءبىر تاۋلىك ىشىندە وندا ىندەتتى 400 ادام جۇقتىرىپتى. بۇعان دەيىن مەلبۋرن قالاسىندا 6 اپتالىق لوكداۋندى قايتا ەنگىزگەن ەدى. پاندەميا باستالعالى ەلدە 11 مىڭ ادام كوروناۆيرۋستى جۇقتىرىپ، 116 ادام كوز جۇمعان.