«قازىرگى تاڭدا ەلوردادا كارانتيندە 1819 ادام جاتىر. 16 - ساۋىردەگى جاعداي بويىنشا، نۇر- سۇلتان قالاسىنداعى وبسەرۆاتسيالىق ەمحانادا، اتاپ ايتقاندا جەلتوقسان 34 مەكەنجايىنداعى №2 ەمحانادا كوروناۆيرۋس ينفەكسياسى بويىنشا زەرتتەۋدە 966 ادام تەكسەرىلدى. ونىڭ 28 جاعدايىندا ازاماتتاردىڭ كوروناۆيرۋستى جۇقتىرعانى راستالدى. سول سەبەپتى قالا تۇرعىندارىنان تاعى دا وتىنەرىمىز: جرۆي- مەن اۋىراتىن ازاماتتاردىڭ ءبارى نەمەسە تىنىس الۋ جولدارى بويىنشا اۋرۋدىڭ بولۋىنان سەزىكتەنگەن بارلىق ازاماتتاردى اتالعان ەمحاناعا نەمەسە جەڭىس 58 مەكەنجايىنداعى ورتالىق جول اۋرۋحاناسىنداعى پۋلمونولوگيالىق بولىمشەسى بار پروۆيزورلىق ستاتسيونارعا قارالۋدى سۇرايمىز» ، - دەدى ساۋلە قيسىقوۆا «حابار 24» ارناسىندا ونلاين رەجيمدە وتكەن باسپا ءسوز ءماسليحاتىندا. ونىڭ ايتۋىنشا، نۇر- سۇلتان قالاسىندا وسى ۋاقىتقا دەيىن 19765 ادام پ ت ر- دياگنوستيكادان، ودان بولەك 8716 ادام 9-16 -ءساۋىرى ارالىعىندا ەكپرەس- تەستىلەۋدەن وتكەن. ۆيرۋسقا كۇدىكتى ادامدار پروۆيزورلىق ستاتسيونارعا جەتكىزىلگەن. ايتا كەتسەك، بۇعان دەيىن ساۋلە قيسىقوۆا ەلوردادا قازىرگى تاڭدا كوروناۆيرۋس ينفەكسياسىن جۇقتىرعان 9 ادام اۋىر حالدە جاتقانىن ءمالىم ەتكەن ەدى.
20:13, 16 ءساۋىر 2020
كوروناۆيرۋس: ەلوردادا 20 مىڭعا جۋىق ادام دياگنوستيكادان ءوتتى
نۇر- سۇلتان. قازاقپارات - نۇر- سۇلتان قالاسىنىڭ قوعامدىق دەنساۋلىق ساقتاۋ باسقارماسىنىڭ باسشىسى ساۋلە قيسىقوۆا جرۆي بەلگىلەرى بار نەمەسە تىنىس الۋ جولدارى بويىنشا قانداي دا ءبىر اۋرۋدان سەزىكتەنگەن ازاماتتاردى تەكسەرۋدەن وتۋگە شاقىردى، دەپ حابارلايدى قازاقپارات ءتىلشىسى.