تاۋەلسىزدىك الاڭىندا وتكەن سالتاناتتى شارادا ايماق باسشىسى وڭىردە جىلدان جىلعا ءتارتىپ ساقشىلارىنىڭ ماتەريالدىق- تەحنيكالىق بازاسى جاقسارتىلىپ كەلە جاتقانىن اتاپ ءوتتى.
«بۇگىنگى كۇنى پوليتسەيلەرگە ەل تىنىشتىعى مەن قوعام قاۋىپسىزدىگىن قامتامسىز ەتۋدە ۇلكەن مىندەتتەر جۇكتەلىپ وتىر. اقمولا وبلىسىنىڭ ءتارتىپ ساقشىلارى ەلباسىنىڭ العا قويىپ وتىرعان مىندەتتەرىن ابىرويمەن اتقارىپ كەلەدى. سوڭعى ۋاقىتتا وبلىس اكىمدىگى تاراپىنان جەرگىلىكتى پوليتسيا قىزمەتىنىڭ ماتەريالدىق تەحنيكالىق جاعىنان قامتىلۋىنا بارىنشا قولداۋ كورسەتىلىپ كەلەدى»، - دەدى ايماق باسشىسى.
سونىمەن قاتار، ايماق باسشىسى الداعى ۋاقىتتا دا وسىنداي يگى ىستەردىڭ جالعاسىن تاۋىپ، مەملەكەتتىك ورگانداردىڭ اۆتوپاركىنىڭ نىعايتىلا بەرەتىنىن اتاپ ءوتتى.
شارا بارىسىندا ساپ تۇزەگەن ساقشىلار مەن جاڭا قىزمەتتىك كولىكتەردىڭ شەرۋى ۇيىمداستىرىلدى.