مارك سۋكەربەرگ ءبىر جىل ىشىندە 20 ميلليارد دوللارعا جۋىق داۋلەتىنەن ايرىلدى

لوندون. قازاقپارات - بيىلعى جىل مارك سۋكەربەرگكە اۋىر ءتيدى. بلۋمبەرگ اگەنتتىگىنىڭ دەرەگىنشە، ول جىل باسىنان بەرى 19,9 ميلليارد دوللار قاراجاتىن جوعالتقان، دەپ حابارلايدى СNBC.

قازىرگى تاڭدا ونىڭ داۋلەتى 52,9 ميلليارد دوللاردى قۇراپ وتىر. سۋكەربەرگ بلۋمبەرگ نۇسقاسى بويىنشا ميللياردەرلەر رەيتينگىندەگى ەڭ باي ادامدار تىزىمىندە (Boomberg's Billionaires Index) جەتىنشى ورىندا تۇر.

بلۋمبەرگتىڭ ستاتيستيكالىق دەرەكتەرى بويىنشا، سۋكەربەرگتىڭ داۋلەتى جىل باسىندا 72.8 ميلليارد دوللار بولعان، ول جىل باسىنان بەرى سونىڭ '.3 جوعالتقان.

سۋكەربەرگ 20 ميلليارد دوللارىنان ايىرىلعان، بۇل قارجى Tesla باس ديرەكتورى يلون ماسكتىڭ داۋلەتىمەن بىردەي (بلۋمبەرگ دەرەگى بويىنشا، ونىڭ بايلىعى - 23.4 ميلليارد دوللار) .

2018 -جىلدىڭ 25 -شىلدەسىندە سۋكەربەرگتىڭ داۋلەتى 86,5 ميللياردقا جەتكەن بولاتىن.

قازىرگى تاڭدا وسى جىلدى شىعىنمەن اياقتاپ جاتقان ميللياردەرلەر از ەمەس. مىسالى، 20 -جەلتوقساندا بيلل گەيتستىڭ قارجىسى 1.6 ميلليارد دوللارعا قىسقارعان.